കോവിഡ് ബാധിച്ച് മരിച്ച യുവതിയുടെ സ്വര്‍ണാഭരണങ്ങള്‍ മോഷണം പോയി; സംഭവം സര്‍ക്കാര്‍ മെഡിക്കല്‍ കോളജില്‍; പരാതി

കോവിഡ് ബാധിച്ച് മരിച്ച യുവതിയുടെ ആഭരണങ്ങള്‍ മോഷണം പോയി; സംഭവം സര്‍ക്കാര്‍ മെഡിക്കല്‍ കോളജില്‍; പരാതി
കോവിഡ് ബാധിച്ച് മരിച്ച യുവതിയുടെ സ്വര്‍ണാഭരണങ്ങള്‍ മോഷണം പോയി; സംഭവം സര്‍ക്കാര്‍ മെഡിക്കല്‍ കോളജില്‍; പരാതി

ലഖ്‌നൗ: കോവിഡ് ചികിത്സയിലിരിക്കെ ആശുപത്രിയില്‍ വച്ച് മരിച്ച യുവതിയുടെ സ്വര്‍ണാഭരണങ്ങള്‍ മോഷണം പോയതായി പരാതി. ഉത്തര്‍പ്രദേശിലെ സഹാറന്‍പുര്‍ ജില്ലയില്‍ സര്‍ക്കാര്‍ മെഡിക്കല്‍ കോളജ് ആശുപത്രിയിലാണ് സംഭവം. ഇക്കാര്യം ചൂണ്ടിക്കാട്ടി സ്ത്രീയുടെ കുടുംബം പരാതി നല്‍കി.

കോവിഡ് പോസിറ്റീവായി ആശുപത്രിയില്‍ പ്രവേശിപ്പിക്കുന്ന സമയത്ത് ധരിച്ചിരുന്ന സ്വര്‍ണാഭരണങ്ങള്‍ കാണാതായെന്ന് വ്യക്തമാക്കി യുവതിയുടെ ഭര്‍ത്താവ് ആശുപത്രി അധികൃതര്‍ക്കാണ് പരാതി നല്‍കിയത്. സെപ്റ്റംബര്‍ 15നാണ് ഷാംലി ജില്ലയില്‍ നിന്ന് സര്‍സാവയിലെ കോവിഡ് കേന്ദ്രത്തിലേക്ക് ഭാര്യയെ കൊണ്ടുപോയതെന്ന് പരാതിയില്‍ ഭര്‍ത്താവ് പറയുന്നു. ഒരു ദിവസത്തിനു ശേഷം അണുബാധയുണ്ടായി മരണം സംഭവിക്കുകയായിരുന്നു. രോഗിയുടെ മൃതദേഹം കൈമാറിയപ്പോഴാണ് ആഭരണങ്ങള്‍ കാണാനില്ലെന്ന കാര്യം വ്യക്തമായതെന്നും കുടുംബം പറയുന്നു.

അന്വേഷണത്തിനായി പരാതി പൊലീസിന് കൈമാറിയെന്ന് മെഡിക്കല്‍ കോളജ് പ്രിന്‍സിപ്പല്‍ ഡിഎസ് മാര്‍ട്ടോലിയ പറഞ്ഞു. കുറ്റക്കാരെ കണ്ടെത്തി അവര്‍ക്കെതിരെ കര്‍ശന നടപടിയെടുക്കണമെന്നും മാര്‍ട്ടോലിയ ആവശ്യപ്പെട്ടു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com