ന്യൂഡല്ഹി: സിബിഎസ്ഇ പന്ത്രണ്ടാം ക്ളാസ് കംപാര്ട്ട്മെന്റ് പരീക്ഷാഫലം ഒക്ടോബര് പത്തോടെ പ്രസിദ്ധീകരിക്കും. സുപ്രീംകോടതിയില് സിബിഎസ്ഇയാണ് ഇക്കാര്യം അറിയിച്ചത്. സര്വകലാശാല പ്രവേശന നടപടികള് ഒക്ടോബര് 31വരെ തുടരുമെന്ന് യുജിസിയും അറിയിച്ചുണ്ട്. കോളജ്, സര്വകലാശാല പ്രവേശനത്തിന് അപേക്ഷിക്കുന്നതിന് വിദ്യാര്ഥികള്ക്ക് ആവശ്യത്തിന് സമയം ലഭിക്കുമെന്നും യുജിസി വ്യക്തമാക്കി.
കംപാര്ട്ട്മെന്റ് പരീക്ഷാ ഫലത്തിന്റെ പേരില് ആരുടെയും പ്രവേശന നടപടികള് തടസ്സപ്പെടില്ല. പ്രവേശനത്തിനുള്ള അപേക്ഷ നല്കാന് കുട്ടികള്ക്ക് ആവശ്യത്തിന് സമയം കിട്ടുമെന്നും സിബിഎസ്ഇ അറിയിച്ചു. സിബിഎസ്ഇയുടെ സത്യവാങ്മൂലം അംഗീകരിച്ച് കേസ് സുപ്രീംകോടതി തീര്പ്പാക്കി.
കംപാര്ടുമെന്റ് പരീക്ഷ ഫലം വൈകുന്നത് ഉന്നതപഠനത്തിനുള്ള പ്രവേശനത്തെ ബാധിക്കുമെന്ന് ചൂണ്ടിക്കാട്ടി വിദ്യാര്ത്ഥികള് നല്കിയ ഹര്ജിയിലാണ് സുപ്രീംകോടതി ഇടപെടല്. പരീക്ഷ മാറ്റിവെക്കണമെന്ന ആവശ്യം കോടതി തള്ളിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ