ന്യൂഡല്ഹി: കേന്ദ്ര സര്ക്കാര് പാസാക്കിയ കാര്ഷിക ബില്ലുകള്ക്കെതിരെ കര്ഷക സംഘടനകളുടെ നേതൃത്വത്തിലുളള ദേശീയ പണിമുടക്ക് ആരംഭിച്ചു. പഞ്ചാബില് കിസാന് മസ്ദൂര് സംഘര്ഷ് സമിതിയുടെ നേതൃത്വത്തില് റെയില് പാളങ്ങള് ഉപരോധിക്കുന്നത് ഇന്നും തുടരുകയാണ്. ഇതുമൂലം നിരവധി ട്രെയിനുകള് റദ്ദാക്കി.
വിവിധ സംസ്ഥാനങ്ങളിലെ 12 സംഘടനകളാണ് കാര്ഷിക ബില്ലുകള് പാസാക്കിയതിനെതിരെ പ്രക്ഷോഭ രംഗത്തുളളത്. പണിമുടക്കിനു കോണ്ഗ്രസ് പിന്തുണ പ്രഖ്യാപിച്ചിട്ടുണ്ട്. ഇന്നലെയും പഞ്ചാബില് കിസാന് മസ്ദൂര് സംഘര്ഷ് സമിതിയുടെ നേതൃത്വത്തില് റെയില് പാളങ്ങള് ഉപരോധിച്ചിരുന്നു.
ബില്ലുകള്ക്കെതിരെ പ്രതിപക്ഷ കക്ഷികള് രാജ്യവ്യാപക പ്രക്ഷോഭത്തിനാണ് തുടക്കമിട്ടിരിക്കുന്നത്. 28ന് സംസ്ഥാന തലസ്ഥാനങ്ങളില് പാര്ട്ടി നേതാക്കളും പ്രവര്ത്തകരും രാജ്ഭവനുകളിലേക്കു പ്രകടനം നടത്തും. ജില്ലാ ആസ്ഥാനങ്ങളിലും പ്രകടനങ്ങള് സംഘടിപ്പിക്കും. ഗാന്ധി ജയന്തി ദിനത്തില് ജില്ലകളിലും അസംബ്ലി മണ്ഡലങ്ങളിലും ധര്ണ നടത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ