മുംബൈ : മഹാരാഷ്ട്ര ഉന്നത വിദ്യാഭ്യാസമന്ത്രി ഉദയ് സാമന്തിന് കോവിഡ് സ്ഥിരീകരിച്ചു. മന്ത്രി തന്നെയാണ് ഇക്കാര്യം ട്വിറ്ററിലൂടെ അറിയിച്ചത്.
താനുമായി സമ്പര്ക്കം പുലര്ത്തിയവര് പരിശോധനയ്ക്ക് വിധേയരാകണമെന്നും മന്ത്രി നിര്ദേശിച്ചു. മന്ത്രി ഉദയ് സാമന്ത് കഴിഞ്ഞ 10 ദിവസമായി ഹോം ക്വാറന്റീനില് കഴിയുകയായിരുന്നു.
ഉന്നത വിദ്യാഭ്യാസ, സാങ്കേതിക വിദ്യാഭ്യാസ വകുപ്പ് മന്ത്രിയാണ് ശിവസേന നേതാവായ ഉദയ് സാമന്ത്. മഹാരാഷ്ട്രയില് കോവിഡ് സ്ഥിരീകരിക്കുന്ന 15-ാമത്തെ മന്ത്രിയാണ് ഉദയ് സാമന്ത്.
മന്ത്രിമാരായ വര്ഷ ഗെയ്ക്വാദ്, ഏക്നാഥ് ഷിന്ഡെ, ബച്ചു കാജു, നിതിന് റാവത്ത്, ഹസന് മുഷ്റിഫ്, ജിതേന്ദ്ര ആഹ് വാഡ്, അശോക് ചവാന്, ധനഞ്ജയ് മുന്ഡെ, സുനില് കേദാര്, ബാലാസാഹേബ് പാട്ടീല്, അസ്ലം ഷെയ്ഖ്, അബ്ദുള് സത്താര്, സഞ്ജയ് ബന്സോഡെ, വിശ്വജിത്ത് കദം എന്നിവര്ക്കാണ് നേരത്തെ കോവിഡ് ബാധിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ