ബസില്‍ ഇതര മതത്തില്‍പ്പെട്ട യുവതിക്കൊപ്പം യാത്ര; ബജ്‌രംഗദള്‍ പ്രവര്‍ത്തകര്‍ 23കാരനെ കുത്തി പരിക്കേല്‍പ്പിച്ചു

ബസില്‍ ഇതര മതത്തില്‍പ്പെട്ട യുവതിക്കൊപ്പം യാത്ര; ബജ്‌രംഗദള്‍ പ്രവര്‍ത്തകര്‍ 23കാരനെ കുത്തി പരിക്കേല്‍പ്പിച്ചു
പ്രതീകാത്മക ചിത്രം
പ്രതീകാത്മക ചിത്രം

ബംഗളൂരു: മറ്റൊരു മതത്തില്‍പ്പെട്ട യുവതിക്കൊപ്പം യാത്ര ചെയ്തതിന് 23കാരനെ കുത്തിപ്പരിക്കേല്‍പ്പിച്ചു. കര്‍ണാടകയിലെ മംഗളൂരുവിലുള്ള തീരദേശ പ്രദേശത്താണ് സംഭവം. 

ഇന്നലെ രാത്രി ഒന്‍പത് മണിയോടെ ഇരുവരും ബസില്‍ യാത്ര ചെയ്യവേയാണ് ആക്രമണമുണ്ടായത്. ഇരുവരും സഹപാഠികളും സുഹൃത്തുക്കളുമാണ്. ബസില്‍ യാത്ര ചെയ്യവേ ഇരുവരോടും ഇറങ്ങിപ്പോകാന്‍ ഒരു സംഘം ആവശ്യപ്പെടുകയായിരുന്നു. പിന്നീട് ബസില്‍ നിന്ന് ഇറങ്ങിയ ശേഷമാണ് ഇരുവര്‍ക്കും മര്‍ദ്ദനമേറ്റത്. പിന്നാലെയാണ് 23കാരന് കുത്തേറ്റത്. 

സംഭവവുമായി ബന്ധപ്പെട്ട് എട്ട് പേരെ കസ്റ്റഡിയിലെടുത്തിട്ടുണ്ട്. പിടിയിലായ നാല് പേര്‍ ബജ്‌രംഗ്ദള്‍ പ്രവര്‍ത്തകരാണെന്ന് പൊലീസ് വ്യക്തമാക്കി. 

നാല് പേരടങ്ങുന്ന ഒരു സംഘം കാറിലെത്തി ബസ് നിര്‍ത്തിച്ച് ഇരുവരേയും ഇറക്കിവിടുകയായിരുന്നു. പിന്നാലെയാണ് 23കാരന് കുത്തേറ്റത്. യുവാവിന്റെ ഇടുപ്പിനാണ് കുത്തേറ്റത്. 

യുവാവും യുവതിയും ബംഗളൂരുവിലേക്ക് യാത്ര ചെയ്യുകയായിരുന്നുവെന്ന് പൊലീസ് വ്യക്തമാക്കി. കൊലപാതക ശ്രമത്തിനാണ് കേസ് രജിസ്റ്റര്‍ ചെയ്തിരിക്കുന്നതെന്നും പൊലീസ് കൂട്ടിച്ചേര്‍ത്തു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com