മഹാരാഷ്ട്രയെ പിടിച്ചുകുലുക്കി കോവിഡ്, റെക്കോര്‍ഡ് രോഗികള്‍; അരലക്ഷത്തിലധികം പേര്‍ക്ക് വൈറസ് ബാധ, മുംബൈയില്‍ 11,000 കടന്നു

മഹാരാഷ്ട്രയുടെ തലസ്ഥാനമായ മുംബൈയില്‍ പിടിവിട്ട് കോവിഡ് വ്യാപനം രൂക്ഷമാകുന്നു
ഫയല്‍ ചിത്രം
ഫയല്‍ ചിത്രം

മുംബൈ: മഹാരാഷ്ട്രയുടെ തലസ്ഥാനമായ മുംബൈയില്‍ പിടിവിട്ട് കോവിഡ് വ്യാപനം രൂക്ഷമാകുന്നു. മഹാമാരി ആരംഭിച്ചതിന് ശേഷമുള്ള ഏറ്റവും ഉയര്‍ന്ന പ്രതിദിന കണക്കാണ് ഇന്ന് മുംബൈയില്‍ രേഖപ്പെടുത്തിയത്. 24 മണിക്കൂറിനിടെ 11,163 പേര്‍ക്കാണ് വൈറസ് ബാധ സ്ഥിരീകരിച്ചത്. 

പുതിയ കേസുകള്‍ കൂടി വന്നതോടെ, മുംബൈയില്‍ മൊത്തം രോഗബാധിതരുടെ എണ്ണം 4,52,445 ആയി ഉയര്‍ന്നു. കഴിഞ്ഞ മണിക്കൂറുകളില്‍ 25 മരണം കൂടി റിപ്പോര്‍ട്ട് ചെയ്തു. ഇതോടെ മരണസംഖ്യ 11,776 ആയി ഉയര്‍ന്നതായി ഔദ്യോഗിക കണക്കുകള്‍ വ്യക്തമാക്കുന്നു.

ഇന്നുമാത്രം 5263 പേരാണ് രോഗമുക്തി നേടിയത്. നിലവില്‍ 68,052 പേരാണ് മുംബൈയില്‍ ചികിത്സയില്‍ കഴിയുന്നത്. മുംബൈ ഉള്‍പ്പെടുന്ന മഹാരാഷ്ട്രയിലും കോവിഡ് കേസുകള്‍ റെക്കോര്‍ഡ് തലത്തിലാണ്. പുതുതായി 57,040 പേര്‍ക്കാണ് വൈറസ് ബാധ സ്ഥിരീകരിച്ചത്. കഴിഞ്ഞ മണിക്കൂറുകളില്‍ 222 പേരാണ് വൈറസ് ബാധയെ തുടര്‍ന്ന്് മരിച്ചത്.  പുനെയില്‍ പുതുതായി 12,472 പേര്‍ക്കാണ് വൈറസ് ബാധ കണ്ടെത്തിയത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com