ന്യൂഡല്ഹി: നിയമസഭാ തെരഞ്ഞെടുപ്പിന് ഇനി മണിക്കൂറുകള് മാത്രം അവശേഷിക്കേ, യുഡിഎഫിനായി കേരളത്തിലെ ജനങ്ങളോട് വോട്ട് അഭ്യര്ത്ഥിച്ച് കോണ്ഗ്രസ് അധ്യക്ഷ സോണിയ ഗാന്ധി. കേരളത്തിലെ ജനങ്ങള് സ്വേഛാധിപത്യ നേതൃത്വത്തെയും തമ്മിലടിപ്പിക്കുകയും വിഭജിക്കുകയും ചെയ്യുന്നവരെയും നിരാകരിക്കുമെന്ന് സോണിയ ഗാന്ധി പ്രസ്താവനയില് പറഞ്ഞു.
ജനാധിപത്യ പാരമ്പര്യവും മതേതര മൂല്യങ്ങളും സംരക്ഷിക്കണം. സാമൂഹിക സൗഹാര്ദ്ദവും സമാധാനവും പുലരാന് യുഡിഎഫിന് വോട്ട് ചെയ്യണം. സുതാര്യവും ഉത്തരവാദിത്തവും ഉള്ള ഭരണം ഉറപ്പ് നല്കുന്നുവെന്നും ന്യായ് പദ്ധതി പാവപ്പെട്ടവര്ക്ക് ഗുണം ചെയ്യുമെന്നും സോണിയ ഗാന്ധി പറഞ്ഞു. യുഡിഎഫിനുള്ള വോട്ട് കേരളത്തിന്റെ ഭാവിയിലേക്കുള്ള വോട്ടെന്നും സോണിയ ഗാന്ധി പ്രസ്താവനയില് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ