കര്‍ണാടകയിലും പതിനായിരം കടന്നു; ഗുജറാത്തിലും മധ്യപ്രദേശിലും കോവിഡ് രൂക്ഷം

ബംഗളൂരു: ഡല്‍ഹിക്ക് പിന്നാലെ കര്‍ണാടകയിലും കോവിഡ് വ്യാപനം അതിരൂക്ഷമാകുന്നു. 24 മണിക്കൂറിനിടെ കര്‍ണാടകയിലും പതിനായിരത്തിന് മുകളിലാണ് പുതിയ രോഗികള്‍. ഗുജറാത്ത്, മധ്യപ്രദേശ് സംസ്ഥാനങ്ങളില്‍ ഇന്ന് അയ്യായിരത്തിന് മുകളിലാണ് രോഗികള്‍. 

കര്‍ണാടകയില്‍ ഇന്ന് 10,250 പേര്‍ക്കാണ് കോവിഡ് സ്ഥിരീകരിച്ചത്. 2,638 പേര്‍ക്കാണ് രോഗമുക്തി. 40 പേരാണ് മരിച്ചത്. ഇതോടെ സംസ്ഥാനത്തെ ആകെ രോഗികളുടെ എണ്ണം 10,65,290 ആണ്. 9,83,157 പേര്‍ക്കാണ് രോഗമുക്തി. ആക്ടീവ് കേസുകള്‍ 69,225. ആകെ മരണം 12,889. 

മധ്യപ്രദേശില്‍ ഇന്ന് 5,939 പേര്‍ക്കാണ് രോഗം സ്ഥിരീകരിച്ചത്. 3,306 പേര്‍ക്കാണ് രോഗമുക്തി. 24 പേരാണ് മരിച്ചത്. സംസ്ഥാനത്തെ ആകെ കേസുകള്‍ 3,38,145. രോഗ മുക്തി 2,98,645. ആകെ മരണം 4,184. ആക്ടീവ് കേസുകള്‍ 35,316. 

ഗുജറാത്തില്‍ 5,469 പേര്‍ക്കാണ് ഇന്ന് കോവിഡ് കണ്ടെത്തിയത്. 54 പേര്‍ മരിച്ചു. ആകെ കേസുകള്‍ 3,47,495. നിലവില്‍ 27,568 പേരാണ് ചികിത്സയിലുള്ളത്. സംസ്ഥാനത്ത് ഇതുവരെയായി 91,23,719 പേര്‍ക്ക് പ്രതിരോധ കുത്തിവെയ്‌പ്പെടുത്തു.