ഭോപ്പാല് : മുതിര്ന്ന കോണ്ഗ്രസ് നേതാവും മധ്യപ്രദേശ് മുന് മുഖ്യമന്ത്രിയുമായ ദിഗ് വിജയ് സിങിന് കോവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം അറിയിച്ചത്. വീട്ടില് ക്വാറന്റീനില് ആണെന്നും അദ്ദേഹം ട്വിറ്ററിലൂടെ അറിയിച്ചു.
കഴിഞ്ഞദിവസങ്ങളില് താനുമായി സമ്പര്ക്കത്തില് ഏര്പ്പെട്ടവര് ആവശ്യമായ മുന്കരുതല് സ്വീകരിക്കണമെന്നും പരിശോധന നടത്തണമെന്നും ദിഗ് വിജയ് സിങ് ആവശ്യപ്പെട്ടു.
കോണ്ഗ്രസ് നേതാവ് രണ്ദീപ് സിങ് സുര്ജേവാലയ്ക്കും അകാലിദള് നേതാവും മുന് കേന്ദ്രമന്ത്രിയുമായ ഹര്സിമ്രത് കൗര് ബാദലിനും കോവിഡ് സ്ഥിരികരിച്ചിട്ടുണ്ട്. നേരിയ രോഗലക്ഷണങ്ങളെ തുടര്ന്ന് പരിശോധിച്ചപ്പോഴാണ് വൈറസ് ബാധ സ്ഥിരീകരിച്ചതെന്ന് ഹര്സിമ്രത് കൗര് സോഷ്യല് മീഡിയയില് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ