ഹൈദരബാദ്: തെലങ്കാന മുഖ്യമന്ത്രി കെ ചന്ദ്രശേഖര് റാവുവിന് കോവിഡ് സ്ഥിരീകരിച്ചു. നേരിയ ലക്ഷണങ്ങള് കണ്ടതിനെ തുടര്ന്ന് നടത്തിയ പരിശോധനയിലാണ് വൈറസ് ബാധ സ്ഥിരീകരിച്ചത്. ഡോക്ടറുടെ നിര്ദ്ദേശത്തെ തുടര്ന്ന് എറാവാലിയെ ഫാംഹൗസില് നിരീക്ഷണത്തില് തുടരുകയാണെന്ന് തെലങ്കാന ചീഫ് സെക്രട്ടറി അറിയിച്ചു.
കഴിഞ്ഞ ദിവസം അയ്യായിരത്തോളം പേര്ക്കാണ് സംസ്ഥാനത്ത് കോവിഡ് സ്ഥിരീകരിച്ചത്. 14 പേര് മരിച്ചു. ഇന്നലെ 83,089 ടെസ്്റ്റുകളാണ് നടത്തിയത്.
മുന്പ്രധാനമന്ത്രി മന്മോഹന് സിങിനെ കോവിഡ് സ്ഥിരീകരിച്ചതിനെ തുടര്ന്ന് എയിംസ് ആശുപത്രിയില് പ്രവേശിപ്പിച്ചു. രാജ്യത്ത് ഇന്ന്2,73,810 പേര്ക്കാണ് കോവിഡ് സ്ഥിരീകരിച്ചത്. ഇതോടെ കോവിഡ് ബാധിതരുടെ ആകെ എണ്ണം 1,50,61,919 ആയി ഉയര്ന്നതായി കേന്ദ്രസര്ക്കാര് കണക്കുകള് വ്യക്തമാക്കുന്നു. ഇന്നലെ മാത്രം 1619 പേരാണ് വൈറസ് ബാധയെ തുടര്ന്ന് മരിച്ചത്. ഇതോടെ മരണസംഖ്യ 1,78,769 ആയി ഉയര്ന്നു. നിലവില് 19,29,329 പേരാണ് ചികിത്സയില് കഴിയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ