ലക്നൗ: കോവിഡ് വ്യാപനം രൂക്ഷമായി തുടരുന്ന ഉത്തര്പ്രദേശില് കഴിഞ്ഞ 24 മണിക്കൂറിനുള്ളില് 28,287 പേര്ക്ക് രോഗം സ്ഥിരീകരിച്ചു. 167 പേര് മരിച്ചു. ഇതോടെ സംസ്ഥാനത്തെ കോവിഡ് ബാധിതരുടെ എണഅമം 8,79,831 ആയി ഉയര്ന്നു. 10,978 പേര് രോഗമുക്തരായി. രണ്ട് ലക്ഷത്തിലധികം സജീവ കേസുകളാണുള്ളത്.
ഗുജറാത്തില് ഇന്ന് ഏറ്റവും വലിയ പ്രതിദിനവര്ധനവാണ് രേഖപ്പെടുത്തിയത്.11,403 പേരാണ് രോഗബാധിതര്. 117 പേര് മരിച്ചു. സൂറത്തിലും അഹമ്മദാബാദിലും കോവിഡ് വ്യാപനം രൂക്ഷമാണ്.
മഹാരാഷ്ട്രയില് കഴിഞ്ഞ 24 മണിക്കൂറിനുള്ളില് 58,924പേര്ക്ക് രോഗം സ്ഥിരീകരിച്ചു. 52,412പേര് രോഗമുക്തരായി. 351പേര് മരിച്ചു. 38,98,267പേര്ക്കാണ് മഹാരാഷ്ട്രയില് ഇതുവരെ രോഗം സ്ഥിരീകരിച്ചത്. 60,824പേര് മരിച്ചു.
രാജസ്ഥാനില് കഴിഞ്ഞ 24 മണിക്കൂറിനുള്ളില് 11,967പേര്ക്കാണ് രോഗം സ്ഥിരീകരിച്ചത്. 2,408പേര് രോഗമുക്തരായി. 53പേര് മരിച്ചു. മധ്യപ്രദേശില് 12,897പേര്ക്ക് പുതുതായി രോഗം സ്ഥിരീകരിച്ചു. 6,836പേര് രോഗമുക്തരായി. 79പേര് മരിച്ചു. കര്ണാടകയില് 15,785 പേര്ക്കാണ് കോവിഡ് സ്ഥിരീകരിച്ചത്. തമിഴ്നാട്ടില് 10,941 പേര്ക്കും രോഗം സ്ഥിരീകരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ