അഹമ്മദാബാദ്: ഒളിംപിക്സിൽ രാജ്യത്തിനായി ചരിത്ര സ്വർണം നേടിയ നീരജ് ചോപ്രയോടുള്ള ആദരവിൽ സൗജന്യ പെട്രോൾ പ്രഖ്യാപിച്ച് പമ്പ് ഉടമ. പമ്പിലെത്തുന്ന നീരജ് എന്ന് പേരുള്ളവർക്ക് 501 രൂപയ്ക്ക് പെട്രോൾ സൗജന്യമായി നൽകും എന്നാണ് പ്രഖ്യാപനം. ഗുജറാത്തിലെ നേത്രാങ്ക് നഗരത്തിലെ പമ്പാണ് വ്യത്യസ്തമായ ഓഫറുമായി എത്തിയത്.
നീരജ് എന്ന് പേരുള്ളവർ പേര് തെളിയിക്കുന്ന രേഖ ഹാജരാക്കിയാൽ പമ്പിൽ നിന്ന് 501 രൂപ വരെ സൗജന്യമായി പെട്രോൾ നിറയ്ക്കാം. ഓഗസ്റ്റ് എട്ട്, ഒമ്പത് തിയതികളിലായിരുന്നു ഓഫർ നൽകിയത്. ഈ ദിവസങ്ങളിൽ 28 നീരജുമാർ പെട്രോളടിക്കാൻ എത്തിയെന്ന് പമ്പുടമ പറഞ്ഞു. രാജ്യത്തിനുവേണ്ടി സ്വർണം നേടിയ ഒരാളുമായി പേര് പങ്കിടാൻ കഴിഞ്ഞത് അഭിമാനമാണെന്നാണ് പമ്പിൽ പെട്രോളടിക്കാൻ എത്തിയ നീരജുമാർ പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ