തിരക്കുകൾക്കിടയിലും ആരോഗ്യപരിപാലനത്തിൽ ഏറെ ശ്രദ്ധ നൽകുന്ന വ്യക്തിയാണ് മുഖ്യമന്ത്രി എം കെ സ്റ്റാലിൻ. ഇപ്പോഴിതാ ജിമ്മിൽ വർക്കൗട്ട് ചെയ്യുന്ന അദ്ദേഹത്തിന്റെ വിഡിയോയാണ് ട്വിറ്ററിൽ വൈറലാകുന്നത്. വെറും 37 സെക്കൻഡ് മാത്രം ധൈർഘ്യമുള്ള വിഡിയോ ഇതിനോടകം നിരവധി ആളുകളാണ് കണ്ടുകഴിഞ്ഞത്. റോപ് പുഷ് ഡൗൺ ആണ് സ്റ്റാലിൻ വിഡിയോയിൽ ചെയ്യുന്നത്.
രാവിലെ കിലോമീറ്ററുകളോളം സൈക്കിൾ ചവിട്ടി ജനങ്ങളോട് സംവദിക്കുന്ന അദ്ദേഹത്തിന്റെ വിഡിയോ മുൻപ് പുറത്തുവന്നിരുന്നു. വ്യായാമവും ചിട്ടയായ ജീവിതരീതിയുമാണ് ഊർജ്ജസ്വലതയോടെ തുടരാൻ തന്നെ സഹായിക്കുന്നതെന്നും മുമ്പ് അഭിമുഖത്തിൽ സ്റ്റാലിൻ പറഞ്ഞിട്ടുണ്ട്. 'ഞാൻ രാവിലെ നേരത്തെ എഴുന്നേൽക്കും. നടക്കാൻ പോകും. എന്നിട്ട് യോഗ ചെയ്യും. പത്ത് ദിവസത്തിലൊരിക്കൽ സൈക്കിളിംഗ് ചെയ്യും. ഇതാണ് എന്റെ വ്യായാമരീതികൾ. എത്ര തിരക്കായാലും എനിക്ക് ക്ഷീണം അനുഭവപ്പെടാത്തത് ഇതെല്ലാം ചെയ്യുന്നതിനാലാകാം, സ്റ്റാലിൻ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
