മോഷണക്കേസില്‍ പ്രതിയായി; പ്രണയം അവസാനിപ്പിച്ച് കാമുകി, വീട്ടില്‍ കയറി സീലിങ് ഫാനില്‍ കെട്ടിതൂക്കി കൊല്ലാന്‍ ശ്രമം

ഇയാള്‍ ഒരു മോഷണക്കേസില്‍ പ്രതിയായതോടെ യുവതി പ്രണയം അവസാനിപ്പിച്ചിരുന്നു
ഫയല്‍ ചിത്രം
ഫയല്‍ ചിത്രം

നാഗ്പൂര്‍:പ്രണയബന്ധം അവസാനിപ്പിച്ച കാമുകിയെ വീട്ടില്‍ കയറി തൂക്കിക്കൊല്ലാന്‍ ശ്രമിച്ച് കാമുകന്‍. മഹാരാഷ്ട്രയിലെ നാഗ്പൂരിലാണ് സംഭവം. 23 വയസുള്ള ആദേശ് ദുര്‍ഗാദാസ് ത്രിപുഡേ എന്ന യുവാവാണ് വീട്ടില്‍ കയറി വധശ്രമം നടത്തിയത്.

ഇയാള്‍ ഒരു മോഷണക്കേസില്‍ പ്രതിയായതോടെ യുവതി പ്രണയം അവസാനിപ്പിച്ചിരുന്നു. പിന്നാലെ ഫോണ്‍ വിളിച്ചാല്‍ എടുക്കാതെയുമായി. ഇതോടെയാണ് യുവാവ് വീട്ടില്‍ കയറി െകാലപ്പെടുത്താന്‍ ശ്രമിച്ചത്. 

വീട്ടില്‍ ഓടിക്കയറിയ ശേഷം യുവതിയെ തല്ലി വീഴ്ത്തി. പിന്നാലെ ഷാള്‍ ഉപയോഗിച്ച് യുവതിയുടെ കഴുത്തില്‍ കുരുക്കിട്ട ശേഷം വീടിന്റെ സീലിങ് റോഡില്‍ തൂക്കിക്കൊല്ലാനായിരുന്നു ശ്രമം. എന്നാല്‍ ബഹളം കേട്ട് യുവതിയുടെ ബന്ധു ഓടിയെത്തി രക്ഷിക്കുകയായിരുന്നു. ഒളിവില്‍ പോയ യുവാവിനെ കണ്ടെത്താന്‍ പൊലീസ് അന്വേഷണം തുടങ്ങി. ഐപിസി സെഷന്‍ 307 അടക്കമുള്ള വകുപ്പുകള്‍ ചുമത്തി പൊലീസ് കേസെടുത്തു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com