അനുകൂലമായി വോട്ട് ചെയ്തില്ല; നിലത്ത് നിന്ന് തുപ്പല്‍ നക്കിച്ചു; യുവാക്കള്‍ക്ക് സ്ഥാനാര്‍ഥിയുടെ ക്രൂരമര്‍ദ്ദനം; വീഡിയോ

പഞ്ചായത്ത് തെരഞ്ഞെടുപ്പില്‍ അനുകൂലമായി വോട്ട് ചെയ്യാത്തതിന് യുവാക്കള്‍ക്ക് സ്ഥാനാര്‍ഥിയുടെ ക്രൂരമര്‍ദ്ദനം 
യുവാവിനെ ക്രുരമായി മര്‍ദ്ദിക്കുന്ന സ്ഥാനാര്‍ഥി ചിത്രം ട്വിറ്റര്‍
യുവാവിനെ ക്രുരമായി മര്‍ദ്ദിക്കുന്ന സ്ഥാനാര്‍ഥി ചിത്രം ട്വിറ്റര്‍

പറ്റ്‌ന: പഞ്ചായത്ത് തെരഞ്ഞെടുപ്പില്‍ അനുകൂലമായി വോട്ട് ചെയ്യാത്തതിന് യുവാക്കള്‍ക്ക് സ്ഥാനാര്‍ഥിയുടെ ക്രൂരമര്‍ദ്ദനം. മര്‍ദ്ദനത്തിന് പിന്നാലെ നിലത്ത് തുപ്പിയ തുപ്പല്‍ നക്കാന്‍ നിര്‍ബന്ധിക്കുകയും ചെയ്തു. ബീഹാറിലെ ഔറംഗബാദിലെ സിംഗ്ന ഗ്രാമത്തിലാണ് സംഭവം.

ദളിത് വിഭാഗത്തില്‍പ്പെട്ട രണ്ട് യുവാക്കള്‍ക്ക് നേരെയാണ് വോട്ട് ചെയ്തില്ലെന്നാരോപിച്ച് സ്ഥാനാര്‍ഥിയായ ബല്‍ബന്ത് സിങ്ങ് ക്രൂരമായി മര്‍ദ്ദിച്ചത്. വോട്ട് ചെയ്യാത്തതിന് അനില്‍ കുമാറിനെയും മഞ്ജിത് കുമാറിനെയും ഇയാള്‍ ഏത്തമിടീക്കുകയും ചെയ്തു. ഇതിന്റെ വീഡിയോ സമൂഹമാധ്യമങ്ങളില്‍ വൈറലായതിന് പിന്നാലെ ബല്‍ബന്ത് സിങ്ങിനെ പൊലീസ് അറസ്റ്റ് ചെയ്തു. 

യുവാക്കളുടെ പരാതിയിലാണ് ഇയാളെ അറസ്റ്റ് ചെയ്തതെന്ന് പൊലീസ് അറിയിച്ചു. ഇയാള്‍ക്കെതിരെ കുറ്റപത്രം ഉടന്‍ സമര്‍പ്പിക്കുമെന്ന് എസ്പി കാന്തേഷ് മിശ്ര പറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com