ബാത്ത്‌റൂമില്‍ ബക്കറ്റില്‍ നിറച്ചുവെച്ച ചൂടുവെള്ളം ദേഹത്തേയ്ക്ക് മറിഞ്ഞുവീണു; രണ്ടുവയസുകാരിക്ക് ദാരുണാന്ത്യം

കര്‍ണാടകയില്‍ ദേഹത്ത് ചൂടുവെള്ളം വീണ് ഗുരുതരമായി പൊള്ളലേറ്റ രണ്ടുവയസുകാരിക്ക് ദാരുണാന്ത്യം
പ്രതീകാത്മക ചിത്രം
പ്രതീകാത്മക ചിത്രം

ബംഗളൂരു: കര്‍ണാടകയില്‍ ദേഹത്ത് ചൂടുവെള്ളം വീണ് ഗുരുതരമായി പൊള്ളലേറ്റ രണ്ടുവയസുകാരിക്ക് ദാരുണാന്ത്യം. ബാത്ത്‌റൂമില്‍ വച്ച് അബദ്ധത്തില്‍ ബക്കറ്റില്‍ നിറച്ചിരുന്ന ചൂടുവെള്ളം കുഞ്ഞിന്റെ ശരീരത്തില്‍ വീഴുകയായിരുന്നുവെന്നാണ് റിപ്പോര്‍ട്ട്. 

ഞായറാഴ്ച മൈസൂരു താലൂക്കിലാണ് നാടിനെ നടുക്കിയ സംഭവം. കുഞ്ഞിനെ കുളിപ്പിക്കാന്‍ ചുടുവെള്ളം നിറച്ച ബക്കറ്റുമായി അമ്മ ജയലക്ഷ്മി ബാത്ത്‌റൂമില്‍ പോയി. ബാത്ത്‌റൂമില്‍ ബക്കറ്റിനൊപ്പം കുഞ്ഞിനെയും നിര്‍ത്തിയ ശേഷം തണുത്ത വെള്ളം എടുക്കാന്‍ പുറത്തേയ്ക്ക് പോയ സമയത്താണ് സംഭവം നടന്നത്. കളിക്കുന്നതിനിടെ, അബദ്ധത്തില്‍ ചൂടുവെള്ളം കുഞ്ഞിന്റെ ദേഹത്ത് വീണതാകാമെന്ന് പൊലീസ് പറയുന്നു. ഈസമയത്ത് കുഞ്ഞിന്റെ അച്ഛന്‍ ജോലി ആവശ്യത്തിനായി പുറത്ത് പോയിരിക്കുകയായിരുന്നുവെന്ന് പൊലീസ് പറയുന്നു.

കുട്ടിയുടെ കരച്ചില്‍ കേട്ട് ഓടിയെത്തിയ അമ്മ, ഉടനെ തന്നെ രണ്ടുവയസുകാരിയെ ആശുപത്രിയില്‍ എത്തിച്ചു. ഗുരുതരമായി പൊള്ളലേറ്റ പെണ്‍കുട്ടി ചികിത്സയിലിരിക്കേ രാത്രിയിലാണ് മരിച്ചത്.കുഞ്ഞിന് 60ശതമാനം പൊള്ളലേറ്റതായി ഡോക്ടര്‍മാര്‍ പറയുന്നു. അതേസമയം അസ്വാഭാവിക മരണത്തിന് പൊലീസ് കേസെടുത്ത് അന്വേഷണം ആരംഭിച്ചു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com