കൂടെ താമസിച്ച പെണ്‍കുട്ടിയെ കല്യാണം കഴിക്കാന്‍ യുവാവ് വിസമ്മതിച്ചു; ആള്‍ക്കൂട്ടം തല്ലിക്കൊന്നു 

ഗുജറാത്തില്‍ കൂടെ താമസിച്ചിരുന്ന പെണ്‍കുട്ടിയെ കല്യാണം കഴിക്കാന്‍ വിസമ്മതിച്ച യുവാവിനെ നാട്ടുകാര്‍ തല്ലിക്കൊന്നു
പ്രതീകാത്മക ചിത്രം
പ്രതീകാത്മക ചിത്രം

അഹമ്മദാബാദ്: ഗുജറാത്തില്‍ കൂടെ താമസിച്ചിരുന്ന പെണ്‍കുട്ടിയെ കല്യാണം കഴിക്കാന്‍ വിസമ്മതിച്ച യുവാവിനെ നാട്ടുകാര്‍ തല്ലിക്കൊന്നു. സംഭവവുമായി ബന്ധപ്പെട്ട് ഏഴുപേരെ പൊലീസ് അറസ്റ്റ് ചെയ്തു.

വല്‍സാദിലാണ് സംഭവം. സഞ്ജയ് ബുസ്‌റയാണ് ആള്‍ക്കൂട്ട ആക്രമണത്തിന് ഇരയായത്. മൂന്ന് വര്‍ഷം മുന്‍പ് പെണ്‍കുട്ടിയുമായി സഞ്ജയ് ബുസ്‌റയുടെ വിവാഹ നിശ്ചയം നടത്തിയിരുന്നു. കഴിഞ്ഞ ഒരു വര്‍ഷമായി ഇരുവരും ഒരുമിച്ചാണ് താമസിച്ചിരുന്നത്. എന്നാല്‍ യുവതിയെ വിവാഹം കഴിക്കാന്‍ വിസമ്മതിച്ചതാണ് പ്രകോപനത്തിന് കാരണമെന്ന് പൊലീസ് പറയുന്നു.

മകളെ കല്യാണം കഴിക്കാന്‍ 20കാരന്‍ വിസമ്മതിച്ചതോടെ അച്ഛന്‍ നാട്ടുക്കൂട്ടത്തെ സമീപിച്ചു. വിഷയത്തില്‍ നാട്ടുക്കൂട്ടം ഇടപെട്ടതിനിടെയാണ് നാട്ടുകാരില്‍ ചിലര്‍ സഞ്ജയിനെ ആക്രമിച്ചത്. ഇടി കൊണ്ട് കുഴിയില്‍ വീണിട്ടും യുവാവിനെ ആക്രമിക്കുന്നത് നാട്ടുകാര്‍ തുടര്‍ന്നതായാണ് റിപ്പോര്‍ട്ടുകള്‍.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com