അനിയത്തിയുടെ കല്യാണത്തിന് മുമ്പ് പ്രണയ വിവാഹം, കുറ്റപ്പെടുത്തൽ, യുവാവ് ജീവനൊടുക്കി; ഭർത്താവിന്റെ ഷർട്ടിട്ട് ഭാര്യയും തൂങ്ങിമരിച്ചു 

പ്രസാദ് (23), ഭാര്യ മുത്തുമാരി (21) എന്നിവരാണ് മരിച്ചത്
പ്രതീകാത്മക ചിത്രം
പ്രതീകാത്മക ചിത്രം

ചെന്നൈ: അനിയത്തിയുടെ കല്യാണത്തിന് മുമ്പ് പ്രണയിച്ച് വിവാഹം കഴിച്ചതിന് ബന്ധുക്കൾ കുറ്റപ്പെടുത്തിയതിന്റെ മനോവിഷമത്തിൽ യുവാവും ഭാര്യയും ജീവനൊടുക്കി. മധുര അവണിയാപുരത്താണ് സംഭവം. ശിവഗംഗ സ്വദേശിയായ പ്രസാദ് (23), ഭാര്യ മുത്തുമാരി (21) എന്നിവരാണ് മരിച്ചത്. 

ഒന്നരവർഷം മുമ്പാണ് പ്രസാദും മുത്തുമാരിയും വിവാഹം കഴിച്ചത്. ഇരുവീട്ടുകാരുടെയും എതിർപ്പിനിടെയായിരുന്നു വിവാഹം. ഇതിനുപിന്നാലെ വാടകവീട്ടിലാണ് ഇരുവരും താമസിച്ചിരുന്നത്. ഇവർക്ക് അഞ്ചുമാസം പ്രായമുള്ള ഒരു കുഞ്ഞുണ്ട്. 

അടുത്തിടെ ശിവഗംഗയിലെ സ്വന്തം വീട്ടിലേക്കുപോയ പ്രസാദ് ബന്ധുക്കളുടെ കുത്തുവാക്കുകൾ കേട്ട് മുറിയിൽ തൂങ്ങിമരിക്കുകയായിരുന്നു. മുത്തുമാരിയെയും കുഞ്ഞിനെയും യുവതിയുടെ വീട്ടുകാർ കൂട്ടിക്കൊണ്ടുപോയി. പ്രസാദിന്റെ മരണത്തിൽ മനോവിഷമത്തിലായിരുന്ന മുത്തുമാരി കഴിഞ്ഞ ദിവസം ഭർത്താവിന്റെ ർട്ട് ധരിച്ച് പോക്കറ്റിൽ ഫോട്ടോയുംവെച്ച് തൂങ്ങിമരിച്ചു. സംഭവത്തിൽ കേസ് രജിസ്റ്റർ ചെയ്ത് പൊലീസ് അന്വേഷണം ആരംഭിച്ചിട്ടുണ്ട്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com