ന്യൂഡല്ഹി: പതാക ഉയര്ത്തല് ചടങ്ങിനിടെ പതാക പൊട്ടി വീണു. കോണ്ഗ്രസ് അധ്യക്ഷ സോണിയാഗാന്ധി പതാക ഉയര്ത്തുന്നതിനിടെയായിരുന്നു സംഭവം. കോണ്ഗ്രസിന്റെ 137-ാം സ്ഥാപകദിനാഘോഷത്തോട് അനുബന്ധിച്ച് എഐസിസി ആസ്ഥാനത്ത് പതാക ഉയര്ത്തുമ്പോഴായിരുന്നു പതാക പൊട്ടി വീണത്.
ഇതേത്തുടര്ന്ന് സോണിയാഗാന്ധി ക്ഷുഭിതയായി. രോഷത്തോടെ പോയ സോണിയാഗാന്ധി 15 മിനുട്ടിന് ശേഷം തിരികെ വന്ന് വീണ്ടും പതാക ഉയര്ത്തി. പതാക പൊട്ടിവീണ സംഭവത്തില് ക്രമീകരണ ചുമതല ഉണ്ടായിരുന്നവര്ക്കെതിരെ നടപടി ഉണ്ടായേക്കുമെന്നാണ് റിപ്പോര്ട്ടുകള്.
രാഹുൽഗാന്ധി, പ്രിയങ്ക ഗാന്ധി, മോത്തിലാൽ വോറ തുടങ്ങിയ മുതിർന്ന നേതാക്കൾ ചടങ്ങിൽ സംബന്ധിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ