ന്യൂഡല്ഹി: മാസ്ക് ധരിക്കാതെ ബാങ്കില് കയറാന് ശ്രമിച്ചത് തടഞ്ഞ സെക്യൂരിറ്റി ജീവനക്കാരനെ ഇടപാടുകാരന് മര്ദ്ദിച്ചു. ഇടപാടുകാരന്റെ മര്ദ്ദനത്തെ തുടര്ന്ന് ജീവനക്കാരന് നിലത്തുവീഴുന്ന ദൃശ്യങ്ങള് പുറത്തുവന്നു.
ഡല്ഹിയിലെ ചത്താര്പൂര് മേഖലയിലാണ് സംഭവം. മാസ്ക് ധരിക്കാതെ എത്തിയ ഇടപാടുകാരനെ തടഞ്ഞതാണ് പ്രകോപനത്തിന് കാരണം. മര്ദ്ദനം തടുക്കാന് ശ്രമിക്കുന്നതിനിടെയാണ് ജീവനക്കാരന് നിലത്തുവീണത്.
സംഭവത്തില് ഇടപാടുകാരനെതിരെ കേസെടുത്തതായി പൊലീസ് അറിയിച്ചു. കൂട്ടാളികളെ വിളിച്ചുവരുത്തി ബാങ്ക് അടിച്ചുതകര്ക്കുകയും ജീവനക്കാരനെ മര്ദ്ദിക്കുകയും ചെയ്തതിനാണ് കേസ്. കോവിഡ് കേസുകള് വര്ധിച്ചതിനെ തുടര്ന്ന് ഡല്ഹിയില് നിയന്ത്രണങ്ങള് കടുപ്പിച്ചതിനിടെയാണ് സംഭവം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ