ലോകത്തെ ഏതൊരു ശക്തിയേക്കാള്‍ മുകളിലായാണ് മാതൃസ്‌നേഹത്തെ കാണുന്നത്. സ്വന്തം മക്കള്‍ക്ക് വേണ്ടി ജീവന്‍ വരെ ത്യജിക്കാന്‍ തയ്യാറാവുന്നതാണ് മാതൃസ്‌നേഹത്തിന്റെ മഹത്വം. ഇത് ഒരിക്കല്‍ കൂടി ഊട്ടിയുറപ്പിക്കുന്ന വീഡിയോയാണ് ഇപ്പോള്‍ വ്യാപകമായി പ്രചരിക്കുന്നത്.
പുഴ നീന്തി കടക്കാന്‍ ശ്രമിക്കുന്ന കുഞ്ഞ് അപകടത്തിലാണെന്ന് അറിഞ്ഞ് ജീവന്‍ ത്യജിക്കാന്‍ തയ്യാറാവുന്ന അമ്മ മാനിന്റെ വീഡിയോയാണ് വ്യാപകമായി സോഷ്യല്‍മീഡിയയില്‍ അടക്കം പങ്കുവെയ്ക്കുന്നത്. സുശാന്ത നന്ദ ഐഎഫ്എസാണ് ട്വിറ്റര്‍ ഹാന്‍ഡിലില്‍ വീഡിയോ പങ്കുവെച്ചത്.
പുഴ നീന്തി കടക്കാന്‍ മാന്‍കുട്ടി ശ്രമിക്കുന്നതാണ് വീഡിയോയുടെ തുടക്കത്തില്‍. മാന്‍കുട്ടിയെ ലക്ഷ്യമാക്കി മുതല നീങ്ങുന്നത് കാണാം. സ്വന്തം കുഞ്ഞിനെ രക്ഷിക്കാന്‍ അമ്മ മാന്‍ പുഴയിലേക്ക് ചാടി. കുഞ്ഞിന്റെ മുന്നിലൂടെ നീന്തിയ അമ്മ മാനിനെ മുതല പിടികൂടുന്നതാണ് വീഡിയോയുടെ അവസാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
