അഹമ്മദാബാദ്: രാജ്യത്ത് ജനിതക മാറ്റം വന്ന കൊറോണ വൈറസ് ബാധ നാല് പേർക്ക് കൂടി സ്ഥിരീകരിച്ചു. ബ്രിട്ടനിൽ നിന്ന് ഗുജറാത്തിലേക്ക് തിരിച്ചെത്തിയവരിലാണ് അതിവേഗ വൈറസിന്റെ സാന്നിധ്യം കണ്ടെത്തിയത്.
ബ്രിട്ടനിൽ നിന്ന് ഗുജറാത്തിലേക്ക് തിരിച്ചെത്തിയ 15 പേർക്ക് കൂടി അഹമ്മദാബാദിൽ നടന്ന പരിശോധനയിൽ കോവിഡ് സ്ഥിരീകരിച്ചു. പുതിയ വൈറസ് ബാധയാണോ ഇതെന്ന് സ്ഥിരീകരിക്കാനായി ഇവരുടെ സാംപിളുകൾ പുനെ വൈറോളജി ഇൻസ്റ്റിറ്റ്യൂട്ടിലേക്ക് അയച്ചു. ഫലം ലഭിച്ചിട്ടില്ല.
പുതിയ നാല് കേസുകൾ ഉൾപ്പെടെ രാജ്യത്ത് ഇതുവരെ 33 പേർക്കാണ് ജനതികമാറ്റം സംഭവിച്ച കൊറോണ വൈറസ് ബാധ സ്ഥിരീകരിച്ചിരിക്കുന്നത്. ഈ വൈറസിനെ ഭയക്കേണ്ടതില്ലെന്ന് വ്യക്തമാക്കി നേരത്തെ ആരോഗ്യ വിദഗ്ധർ രംഗത്തെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
