ന്യൂഡൽഹി: 46-ാമത് അമേരിക്കൻ പ്രസിഡന്റായി അധികാരമേറ്റ ജോ ബൈഡന് ആശംസ നേർന്ന് പ്രധാനമന്ത്രി നരേന്ദ്ര മോദി . ട്വിറ്ററിലൂടെയാണ് മോദി ആശംസകൾ അറിയിച്ചത്.
അമേരിക്കൻ പ്രസിഡന്റായി അധികാരമേറ്റ ജോ ബൈഡന് എന്റെ ഊഷ്മളമായ അഭിനന്ദനങ്ങൾ. ഇന്ത്യ-യുഎസ് തന്ത്രപരമായ പങ്കാളിത്തം ശക്തിപ്പെടുത്തുന്നതിന് അദ്ദേഹത്തോടൊപ്പം പ്രവർത്തിക്കാൻ ആഗ്രഹിക്കുന്നു. ആഗോള സമാധാനവും, സുരക്ഷയും മുന്നോട്ട് കൊണ്ടു പോകുന്നതിലും, പൊതുവായ വെല്ലുവിളികൾ നേരിടുന്നതിലും, ഐക്യത്തോടെയും ഊർജ്ജസ്വലതയോടെയും നമ്മൾ നിലകൊള്ളുമ്പോൾ, അമേരിക്കയെ നയിക്കുന്നതിൽ വിജയകരായ ഒരു പദത്തിന് ആശംസകൾ നേരുന്നു, പ്രധാനമന്ത്രി മോദി ട്വിറ്ററിൽ കുറിച്ചു.
ദൃഢതയാർന്നതും ബഹുമുഖവുമായ ഒരു ഉഭയകക്ഷി അജണ്ട നമുക്കുണ്ട്. വളർന്നുവരുന്ന സാമ്പത്തിക ഇടപെടലുകളും, ജനങ്ങൾ തമ്മിൽ പരസ്പരമുള്ള ഊർജ്ജസ്വലമായ ബന്ധവും നമുക്കുണ്ട്. ഇന്ത്യ-യുഎസ് പങ്കാളിത്തത്തെ കൂടുതൽ ഉയരങ്ങളിലേക്കെത്തിക്കാൻ പ്രസിഡന്റ് ജോ ബൈഡനുമായി ചേർന്ന് പ്രവർത്തിക്കാൻ പ്രതിജ്ഞബദ്ധനാണെന്നും മോദി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ