അമ്മയെ കൊന്ന് അവയവങ്ങൾ വറുത്ത്​​ കഴിച്ചു; 35കാരന് വധശിക്ഷ 

By സമകാലിക മലയാളം ഡെസ്‌ക്‌  |   Published: 11th July 2021 02:39 PM  |  

Last Updated: 11th July 2021 02:39 PM  |   A+A-   |  

death_penalty

പ്രതീകാത്മക ചിത്രം

 

മുംബൈ: അമ്മയെ കൊന്ന് അവയവങ്ങൾ വറുത്ത്​​ കഴിച്ച യുവാവിന് വധശിക്ഷ. അപൂർവങ്ങളിൽ അപൂർവം എന്ന് പറഞ്ഞാണ് മഹാരാഷ്​ട്രയിലെ കോലാപൂരിലെ കോടതി 35കാരനായ സുനിൽ രാമ കുഛ്​കൊറാവിക്ക് ശിക്ഷ​ വിധിച്ചത്​. കൊലപാതകം അതിക്രൂരവും ലജ്ജാവഹമാണെന്നും കോടതി അഭിപ്രായപ്പെട്ടു. 

സംഭവം സമൂഹ മനസാക്ഷിയെ ഞെട്ടിച്ചെന്ന് കോലാപൂർ അഡീഷനൽ സെഷൻസ്​ ജഡ്​ജി മഹേഷ്​ കൃഷ്​ണജി നിരീക്ഷിച്ചു. ആ അമ്മ അനുഭവിച്ച വേദന വാക്കുകളിലൂടെ വിശദീകരിക്കാനാവില്ല. മദ്യാസക്തി‌ക്ക് തൃപ്തിവരുത്താനാണ് അയാൾ ഈ പ്രവൃത്തി ചെയ്തിരിക്കുന്നത്. നിസഹായയായ അമ്മയുടെ ജീവിതം അവൻ ബലമായി ഇല്ലാതാക്കി. മാതൃത്വത്തിനുള്ള ഏറ്റവും വലിയ അപമാനമാണിത്​', ജഡ്​ജി പറഞ്ഞു. 

2017 ആഗസ്റ്റിലാണ്​ കേസിനാസ്​പദമായ സംഭവം നടന്നത്. കുറ്റക‍ൃത്യത്തിന് ശേഷവും പ്രതിക്ക് തന്റെ പ്രവൃത്തിയിൽ മാനസാന്തരമോ പശ്ചാത്താപമോ പ്രകടമായില്ലെന്നും കോടതി നിരീക്ഷിച്ചു.