വിവാഹവേദിയിൽ അപ്രതീക്ഷിതമായി സംഭവിക്കുന്ന പല കാര്യങ്ങളും പിന്നീട് വൈറലാകാറുണ്ട്. വധുവിനും വരനും സംഭവിക്കുന്ന അബദ്ധങ്ങളും സർപ്രൈസുകളുമൊക്കെയാണ് ഇതിൽ അധികവും. എന്നാലിപ്പോൾ വിവാഹവേദിയിൽ ഉറക്കം തൂങ്ങിയ വരന്റെ വിഡിയോയാണ് ഇൻസ്റ്റഗ്രാമിൽ വൈറലാകുന്നത്.
വിവാഹത്തിൽ കോട്ടും സ്യൂട്ടുമൊക്കെ ധരിച്ചെത്തിയെങ്കിലു ചുറ്റിനും സംഭവിക്കുന്നതൊന്നും അറിയാതെ നല്ല ഉറക്കത്തിലാണ് വരൻ. ഇടയ്ക്ക് ഉറക്കം തൂങ്ങി വധുവിന്റെ ദേഹത്തേക്ക് വീഴാൻ പോകുന്നതും വിഡിയോയിൽ കാണാം. സുഹൃത്തുക്കളും ബന്ധുക്കളും ചേർന്ന് യുവാവിനെ ഉണർത്താൻ പരിശ്രമിക്കുന്നുണ്ടെങ്കിലും ഫലം കണ്ടില്ല. നിരഞ്‍‍ജൻ മഹാപത്ര എന്നയാൾ ഇൻസ്റ്റഗ്രാമിൽ പങ്കുവച്ച വിഡിയോ ആണിപ്പോൾ വൈറലാകുന്നത്.
വിഡിയോ വൈറലായതിന് പിന്നാലെ വരനെ വിമർശിച്ചുകൊണ്ടാണ് കമന്റുകൾ ഏറെയും. മദ്യപിച്ച് ലക്കുകെട്ട് ബോധമില്ലാതെ കിടക്കുകയാണ് ഇയാളെന്നാണ് കൂടുതൽ പേരും പറയുന്നത്. കല്യാണദിവസം ഇയാൾ ശരിക്കും മിസ് ചെയ്യുമെന്ന് മറ്റുചിലരും കമന്റ് കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
