ന്യൂഡല്‍ഹി: കേസ് പിന്നെയും പിന്നെയും മാറ്റിവയ്ക്കുന്നതില്‍ ഈര്‍ഷ്യ പൂണ്ട യുവാവ് കോടതി മുറി അടിച്ചുതകര്‍ത്തു. ഹിന്ദി സിനിമയിലെ ഹിറ്റ് ഡയലോഗ് വിളിച്ചുപറഞ്ഞ യുവാവ് ജഡ്ജിയുടെ പോഡിയം ഉള്‍പ്പെടെ തകര്‍ക്കുകയായിരുന്നു.
ഡല്‍ഹി ശാസ്ത്രി നഗര്‍ സ്വദേശിയായ രാകേഷ് ആണ് കര്‍കര്‍ദൂമ കോടതിയില്‍ അക്രമുണ്ടാക്കിയത്. 2016 മുതല്‍ ഈ കേസുമായി ബന്ധപ്പെട്ട് രാകേഷ് കോടതിയില്‍ എത്താന്‍ തുടങ്ങിയതാണെന്നാണ് റിപ്പോര്‍ട്ടുകള്‍. ഇക്കഴിഞ്ഞ ദിവസം ഹാജരായപ്പോഴും കേസ് മാറ്റിവയ്ക്കുകയായിരുന്നു. ഇതില്‍ കലി പൂണ്ടാണ് യുവാവ് കോടതി മുറി അടിച്ചുതകര്‍ത്തത്.
ഹിന്ദി സിനിമ ദാമിനിയില്‍ സണ്ണി ഡിയോള്‍ പറയുന്ന തീയതി, പിന്നെയും തീയതി എന്ന ഡയലോഗ് പറഞ്ഞുകൊണ്ടായിരുന്നു രാകേഷിന്റെ അക്രമം. ഇയാള്‍ ഉടന്‍ തന്നെ പൊലീസ് കസ്റ്റഡിയില്‍ എടുത്തു. മജിസ്‌ട്രേറ്റിന്റെ മുന്നില്‍ ഹാജരാക്കിയ രാകേഷിനെ റിമാന്‍ഡ് ചെയ്തു.
ഇയാള്‍ക്കെതിരെ വിവിധ വകുപ്പുകള്‍ പ്രകാരം കേസെടുത്തതായി പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
