ന്യൂഡല്ഹി: മദ്യവും വൈനും വീടുകളില് വിതരണം ചെയ്യാന് ഡല്ഹി സര്ക്കാര് അനുമതി നല്കി. മൊബൈല് ആപ്പ്, വെബ് പോര്ട്ടല് എന്നിവയിലൂടെ ഓര്ഡര് നല്കിയാല് മദ്യം വീട്ടിലെത്തും. ഇതിനായി ഡല്ഹി സര്ക്കാര് മദ്യനിയമത്തില് ഭേദഗതി വരുത്തി ഉത്തരവിറക്കി.
എല് 13 ലൈസന്സ് ഉള്ളവര്ക്ക് മാത്രമെ വിദേശമദ്യവും ഇന്ത്യന് മദ്യവും വിതരണം ചെയ്യാന് അനുമതിയുള്ളു.മൊബൈല് ആപ്പ് വഴിയോ വെബ് പോര്ട്ടല് വഴിയോ ബുക്ക് ചെയ്തവര്ക്ക് മാത്രമെ മദ്യം വിതരണം പാടുള്ളു. ഹോസ്റ്റലുകള്, സ്ഥാപനങ്ങള്, ഓഫീസ് എന്നിവിടങ്ങളിലേക്ക് മദ്യവിതരണത്തിന് അനുമതിയില്ലെന്നും പുതുക്കിയ ഉത്തരവില് പറയുന്നു.
കോവിഡ് വ്യാപനത്തിന്റെ പശ്ചാത്തലത്തില് ലോക്ക്ഡൗണ് പ്രഖ്യാപിച്ചതിന് പിന്നാലെ ഡല്ഹിയില് മദ്യഷോപ്പുകളും അടച്ചിരുന്നു. കഴിഞ്ഞ ദിവസമാണ് ഡല്ഹിയില് ലോക്കഡൗണില് ഇളവുകള് നല്കിയത്. ഇതിന് പിന്നാലെയാണ് മദ്യം വീടുകളില് വിതരണം ചെയ്യാന് സര്ക്കാര് അനുമതി നല്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ