ജമ്മു: ജമ്മു കാഷ്മീരിൽ ബിജെപി നേതാവിനെ ഭീകരർ വെടിവച്ചു കൊലപ്പെടുത്തി. പുൽവാമയിലെ ട്രാലിലാണ് സംഭവം. മുൻസിപ്പൽ കൗൺസിലർ കൂടിയായ രാകേഷ് പണ്ഡിറ്റാണ് കൊല്ലപ്പെട്ടത്.
ബുധനാഴ്ച വൈകുന്നേരത്തോടെയായിരുന്നു ആക്രമണം. ഒരു യുവതിക്കും വെടിവയ്പിൽ പരിക്കേറ്റു. രാകേഷ് പണ്ഡിറ്റിന്റെ സുഹൃത്തിന്റെ മകൾക്കാണ് പരിക്കേറ്റത്. കാലിലാണ് യുവതിയുടെ പരിക്ക്. ഇവരെ ആശുപത്രിയിൽ പ്രവേശിപ്പിച്ചു.
മൂന്നു ഭീകരരാണ് ആക്രമണം നടത്തിയതെന്ന് പൊലീസ് പറയുന്നു. ഇവർക്കായി തെരച്ചിൽ തുടരുകയാണ്. രാകേഷ് പണ്ഡിറ്റിന്റെ സുരക്ഷയ്ക്കായി ഉദ്യോഗസ്ഥരെ നിയോഗിച്ചിരുന്നു. എന്നാൽ സുഹൃത്തിനെ സന്ദർശിക്കാൻ പോയപ്പോൾ രാകേഷ് പണ്ഡിറ്റ് സുരക്ഷാ ഉദ്യോഗസ്ഥരെ ഒപ്പം കൂട്ടിയില്ലെന്ന് പൊലീസ് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ