മുംബൈ: മഹാരാഷ്ട്ര മുന് ആഭ്യന്തര മന്ത്രി അനില് ദേശ്മുഖിന് ചോദ്യം ചെയ്യലിന് ഹാജരാകാന് സമന്സ് അയച്ച് എന്ഫോഴ്സ്മെന്റ് ഡയറക്ടറേറ്റ് (ഇഡി). 100 കോടി രൂപ കൈക്കൂലി ആവശ്യപ്പെട്ടെന്ന കേസുമായി ബന്ധപ്പെട്ട കള്ളപ്പണം വെളുപ്പിക്കല് കേസിലാണ് എൻസിപി നേതാവായ അനില് ദേശ്മുഖിന് സമന്സ് അയച്ചിരിക്കുന്നത്.
നേരത്തെ അനില് ദേശ്മുഖിന്റെ രണ്ട് സഹായികളെ ഇഡി അറസ്റ്റ് ചെയ്തിരുന്നു. പിന്നാലെയാണ് മുന് ആഭ്യന്തര മന്ത്രിക്ക് ഇഡി സമന്സ് അയച്ചത്.
ദേശ്മുഖിന്റെ പേഴ്സണല് സെക്രട്ടറി സഞ്ജീവ് പലാന്ഡെ, പേഴ്സണല് അസിസ്റ്റന്റ് കുന്ദന് ഷിന്ഡെ എന്നിവരാണ് അറസ്റ്റിലായത്. കള്ളപ്പണം വെളുപ്പിക്കല് നിരോധന നിയമപ്രകാരം ഒന്പതുമണിക്കൂറോളം ചോദ്യം ചെയ്ത ശേഷമായിരുന്നു ഇരുവരുടേയും അറസ്റ്റ്.
മുംബൈയിലെ ബല്ലാര്ഡ് എസ്റ്റേറ്റിലുള്ള ഇഡി ഓഫീസില് വച്ചായിരുന്നു ചോദ്യം ചെയ്യല്. ഇരുവരേയും പ്രത്യേക കോടതിയില് ഹാജരാക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ