പിഞ്ചുകുഞ്ഞിനെ മാറോട് ചേര്‍ത്ത് ഒറ്റക്കൈ കൊണ്ട് ട്രാഫിക് നിയന്ത്രണം; ഈ അമ്മയ്ക്ക്‌ സല്യൂട്ട്! (വീഡിയോ)

ഒരു കയ്യില്‍ പിഞ്ചുകുഞ്ഞിനെ ചേര്‍ത്തുപിടിച്ച് ട്രാഫിക് നിയന്ത്രിക്കുന്ന വനിതാ പൊലീസ് കോണ്‍സ്റ്റബിളിന്റെ ദൃശ്യങ്ങള്‍ വൈറലാകുന്നു
പിഞ്ചുകുഞ്ഞുമായി ട്രാഫിക് നിയന്ത്രിക്കുന്ന പൊലീസുകാരി
പിഞ്ചുകുഞ്ഞുമായി ട്രാഫിക് നിയന്ത്രിക്കുന്ന പൊലീസുകാരി

ചണ്ഡീഗഡ്: ഒരു കയ്യില്‍ പിഞ്ചുകുഞ്ഞിനെ ചേര്‍ത്തുപിടിച്ച് ട്രാഫിക് നിയന്ത്രിക്കുന്ന വനിതാ പൊലീസ് കോണ്‍സ്റ്റബിളിന്റെ ദൃശ്യങ്ങള്‍ വൈറലാകുന്നു. വഴിയാത്രക്കാരനാണ് ഈ ദൃശ്യങ്ങള്‍ പകര്‍ത്തിയത്. 

ചണ്ഡീഗഡിലാണ് ഒരേ സമയം അമ്പരിപ്പിക്കുകയും ആശങ്കപ്പെടുത്തുകയും ചെയ്യുന്ന സംഭവം ഉണ്ടായത്. പ്രാദേശിക ലേഖകനാണ് വീഡിയോ സാമൂഹ്യമാധ്യമങ്ങളില്‍ പങ്കുവെച്ചത്. പ്രിയങ്ക എന്ന പേരുള്ള വനിതാ പൊലീസ് കോണ്‍സ്റ്റബിളാണ് കുഞ്ഞുമായി ഡ്യൂട്ടിക്ക എത്തിയതെന്നാണ് റിപ്പോര്‍ട്ടുകള്‍.

രാവിലെ എട്ടുമണിക്ക് ഡ്യൂട്ടിക്ക് എത്തേണ്ടതായിരുന്നു പ്രിയങ്ക. വൈകിയതിനെ തുടര്‍ന്ന് കുഞ്ഞുമായി പൊലീസുകാരി ജംഗ്ഷനില്‍ എത്തുകയായിരുന്നു. അവധിയില്‍ പോകാന്‍ പൊലീസ് സ്റ്റേഷന്‍ ആവശ്യപ്പെട്ടെങ്കിലും കുട്ടിയെ നോക്കി കൊണ്ട് തന്നെ ജോലി ചെയ്യാന്‍ തയ്യാറാണ് എന്ന് പ്രിയങ്ക പറയുകയായിരുന്നുവെന്ന് റിപ്പോര്‍ട്ടുകള്‍ പറയുന്നു. കൂടെ മറ്റൊരു പൊലീസ് ഉദ്യോഗസ്ഥയെയും ദൃശ്യങ്ങളില്‍ കാണാം. ചിലര്‍ പൊലീസുകാരിയെ അനുമോദിച്ചപ്പോള്‍ മറ്റു ചിലര്‍ റോഡിലെ മലിനീകരണം ഉള്‍പ്പെടെയുള്ള വിഷയങ്ങള്‍ ഉന്നയിച്ച് ആശങ്ക രേഖപ്പെടുത്തി.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com