പനജി: ഗോവയില്‍ ഓടുന്ന ട്രെയിനില്‍ ചാടിക്കയറാന്‍ ശ്രമിക്കുന്നതിനിടെ കാല്‍തെറ്റി വീണ യുവാവിനെ രക്ഷിച്ച് സുരക്ഷാ ഉദ്യോഗസ്ഥന്‍. പ്ലാറ്റ്‌ഫോമിനും ട്രെയിനും ഇടയിലേക്ക് വീണ യുവാവിനെയാണ് സമയോചിതമായ ഇടപെടലിലൂടെ സുരക്ഷാ ഉദ്യോഗസ്ഥന്‍ രക്ഷിച്ചത്.
ഗോവയിലെ വാസ്‌കോ ഡാ ഗാമ റെയില്‍വേ സ്‌റ്റേഷനിലാണ് സംഭവം. യാത്രക്കാരന്‍ ആരെന്ന് വ്യക്തമായിട്ടില്ല. സ്‌റ്റേഷനില്‍ ഓടുന്ന ട്രെയിനില്‍ ചാടിക്കയറാന്‍ ശ്രമിക്കുന്നതിനിടെയാണ് യുവാവിന്റെ കാല്‍തെറ്റിയത്.
പ്ലാറ്റ്‌ഫോമിനും ട്രെയിനും ഇടയില്‍ കുടുങ്ങിയ യുവാവിനെ റെയില്‍വേ സുരക്ഷാ ഉദ്യോഗസ്ഥന്‍ ഓടിയെത്തിയാണ് രക്ഷിച്ചത്. വാതിലില്‍ വീണുകിടന്ന യുവാവിനെ പ്ലാറ്റ്‌ഫോമിലേക്ക് വലിച്ചിഴച്ച് സുരക്ഷാ ഉദ്യോഗസ്ഥന്‍ രക്ഷിക്കുന്നതിന്റെ ദൃശ്യങ്ങള്‍ പുറത്തുവന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
