മുംബൈ: മഹാരാഷ്ട്രയില് കോവിഡ് വ്യാപനം രൂക്ഷം. അടുത്തിടെയുള്ള ഏറ്റവും ഉയര്ന്ന പ്രതിദിന കോവിഡ് കണക്കാണ് പുറത്തുവന്നത്. 24 മണിക്കൂറിനിടെ 23,179 പേര്ക്കാണ് വൈറസ് ബാധ സ്ഥിരീകരിച്ചത്. കഴിഞ്ഞ ദിവസത്തെ അപേക്ഷിച്ച് കോവിഡ് കേസുകളില് 30 ശതമാനത്തിന്റെ വര്ധനയാണ് രേഖപ്പെടുത്തിയത്.
പുതിയ കേസുകള് റിപ്പോര്ട്ട് ചെയ്തതോടെ, മഹാരാഷ്ട്രയിലെ കോവിഡ് ബാധിതരുടെ ആകെ എണ്ണം 23,70,507 ആയി ഉയര്ന്നു. 24 മണിക്കൂറിനിടെ 9138 പേരാണ് രോഗമുക്തി നേടിയത്. ഇതോടെ രോഗമുക്തരുടെ ആകെ എണ്ണം 21,63,391 ആയി ഉയര്ന്നതായി മഹാരാഷ്ട്ര സര്ക്കാര് കണക്കുകള് വ്യക്തമാക്കുന്നു.
നിലവില് 1,52,760 പേരാണ് ചികിത്സയില് കഴിയുന്നത്. 24 മണിക്കൂറിനിടെ 84 പേരാണ് വൈറസ്ബാധയെ തുടര്ന്ന് മരിച്ചത്. ഇതോടെ മരണസംഖ്യ 53,080 ആയി ഉയര്ന്നതായി സര്ക്കാര് കണക്കുകള് വ്യക്തമാക്കുന്നു.
മുംബൈയില് മാത്രം 2377 പേര്ക്കാണ് പുതുതായി കോവിഡ് ബാധിച്ചത്. കോവിഡ് വ്യാപനം തടയാന് അടിയന്തര നടപടികള് സ്വീകരിക്കാന് പ്രധാനമന്ത്രി നരേന്ദ്രമോദി സംസ്ഥാനങ്ങളോട് നിര്ദേശിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ