വളർത്തുനായയെ പിന്തുടർന്ന് പുള്ളിപ്പുലി വീടിന് അകത്തു കയറി, മുറി പൂട്ടിയിട്ട് വീട്ടുകാർ

നായ പ്രാണരക്ഷാർഥം വീടിനകത്തേക്കു കയറി. പിന്നാലെ പുലിയും വീടിനകത്തേക്ക്
പ്രതീകാത്മക ചിത്രം
പ്രതീകാത്മക ചിത്രം

ബം​ഗലൂരു : വളർത്തുനായയെ പിന്തുടർന്ന് വീടിന് അകത്തു കയറിയ പുള്ളിപ്പുലിയെ പിടികൂടി. വീട് പൂട്ടിയിട്ട് വീട്ടുകാർ വനംവകുപ്പ് അധികൃതരെ വിവരം അറിയിച്ചു. തുടർന്ന് വനംവകുപ്പ് അധികൃതരെത്തി പുലിയെ പിടികൂടി കാട്ടിൽ വിട്ടു. ഉഡുപ്പി ബ്രഹ്‌മാവറിലാണു സംഭവം.

ബ്രഹ്‌മാവർ നൈലാഡിയിൽ ഒരു വീട്ടിലെ വളർത്തു നായയെ പിന്തുടർന്നെത്തിയതായിരുന്നു പുലി. നായ പ്രാണരക്ഷാർഥം വീടിനകത്തേക്കു കയറി. പിന്നാലെ പുലിയും വീടിനകത്തേക്ക്. ഇതോടെ വീട്ടുകാർ മുറി പുറത്തു നിന്നു പൂട്ടി.

തുടർന്ന് വിവരം വനം വകുപ്പ് അധികൃതരെ അറിയിച്ചു. തുടർന്നു വനം വകുപ്പ് അധികൃതരെത്തി ഒന്നര മണിക്കൂർ പണിപ്പെട്ട് പുലിയെ കൂട്ടിൽ കയറ്റി. വൈദ്യ പരിശോധനയ്ക്കു ശേഷമാണ് പുലിയെ വനത്തിൽ വിട്ടത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com