ന്യൂഡല്ഹി: അടുത്ത അധ്യയന വര്ഷത്തെ സ്കൂള് പ്രവേശനത്തിനുള്ള നടപടിക്രമം പുറത്തുവിട്ട് കേന്ദ്രീയ വിദ്യാലയം. ഒന്നാം ക്ലാസിലേക്കുള്ള പ്രവേശനത്തിനുള്ള ഓണ്ലൈന് രജിസ്ട്രേഷന് ഏപ്രില് ഒന്നിന് ആരംഭിക്കും. രണ്ടാം ക്ലാസ് മുതല് മുകളിലേക്കുള്ള പ്രവേശനത്തിനുള്ള രജിസ്ട്രേഷന് നടപടികള് ഏപ്രില് എട്ടുമുതല് 15 വരെയാണ്.
ഒന്നാം ക്ലാസിലേക്കുള്ള പ്രവേശനത്തിന് ഏപ്രില് 19 വരെയാണ് അപേക്ഷ സ്വീകരിക്കുക. തെരഞ്ഞടുക്കപ്പെട്ട കുട്ടികളുടെ താത്കാലിക പട്ടിക ഏപ്രില് 23ന് പ്രസിദ്ധീകരിക്കും. പിന്നീടും സീറ്റുകള് ഒഴിവ് വന്നാല് ഏപ്രില് 30, മെയ് അഞ്ച് തീയതികളില് യഥാക്രമം തെരഞ്ഞെടുക്കപ്പെട്ടവരുടെ രണ്ടും മൂന്നും പട്ടിക പുറത്തുവിടും. കൂടുതല് വിവരങ്ങള്ക്ക് kvsonlineadmission.kvs.gov.in സന്ദര്ശിക്കുക.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ