ചെന്നൈ: തമിഴ്നാട്ടില് കടല്ത്തീരത്ത് നിന്ന് അഞ്ചു അസ്ഥികൂടങ്ങള് കണ്ടെത്തി. ദുരൂഹത അകറ്റാന് പൊലീസ് അന്വേഷണം ആരംഭിച്ചു.
രാമനാഥപുരം വലിനോക്കം ഗ്രാമത്തില് കടല്ത്തീരത്ത് നിന്നാണ് അസ്ഥികൂടങ്ങള് കണ്ടെത്തിയത്. കൊലപാതകം ഉള്പ്പെടെ വിവിധ സാധ്യതകളാണ് പരിശോധിക്കുന്നത്. 500ലധികം ആളുകള് താമസിക്കുന്ന ഗ്രാമമാണ് വലിനോക്കം. എല്ലാവരും മത്സ്യത്തൊഴിലാളികളാണ്. വിവിധ മത്സ്യക്കമ്പനികളിലാണ് ഇവര് ജോലി ചെയ്യുന്നത്.
മണലില് നിന്ന് വെളിയിലേക്ക് വന്ന നിലയിലായിരുന്നു അസ്ഥികൂടങ്ങള്. കഴിഞ്ഞ ഏതാനും ദിവസങ്ങളില് പ്രദേശത്ത് കനത്തകാറ്റ് വീശിയിരുന്നു. കാറ്റത്ത് മണ്ണല് മാറിയപ്പോള് അസ്ഥികൂടങ്ങള് വെളിവായതാകാമെന്നാണ് റിപ്പോര്ട്ടുകള്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ