മുത്തശ്ശിയെ ഭയപ്പെടുത്താന്‍ ഗ്യാസ് സ്റ്റൗവിന്റെ പൈപ്പ് ഊരി കളിച്ചു; 12കാരനെ തീവിഴുങ്ങി 

വീട്ടുകാരെ ഭയപ്പെടുത്താന്‍ ഗ്യാസ് സ്റ്റൗവിന്റെ പൈപ്പ് ഊരി കളിക്കുന്നതിനിടെ, തീ പടര്‍ന്ന് 12കാരന്‍ മരിച്ചു
പ്രതീകാത്മക ചിത്രം
പ്രതീകാത്മക ചിത്രം

മുംബൈ: വീട്ടുകാരെ ഭയപ്പെടുത്താന്‍ ഗ്യാസ് സ്റ്റൗവിന്റെ പൈപ്പ് ഊരി കളിക്കുന്നതിനിടെ, തീ പടര്‍ന്ന് 12കാരന്‍ മരിച്ചു. സംഭവസമയത്ത് കുട്ടിയുടെ അടുത്തുണ്ടായിരുന്ന മുത്തശ്ശിക്ക് നേരിയ പൊള്ളലേറ്റു.

നാഗ്പൂരിലാണ് സംഭവം. സെന്‍ട്രല്‍ പബ്ലിക് വര്‍ക്ക്‌സ് ഡിപ്പാര്‍ട്ട്‌മെന്റ് കോളനിയിലെ നിവാസിയാണ് കുട്ടി. എട്ടാം ക്ലാസ് വിദ്യാര്‍ഥിയ്ക്ക് ഒന്നര വയസുള്ളപ്പോള്‍ മുതല്‍ പിരിഞ്ഞുകഴിയുകയാണ് മാതാപിതാക്കള്‍. കഴിഞ്ഞ 11 വര്‍ഷമായി മുത്തശിയുടെ കൂടെയാണ് കുട്ടി.

 മുത്തശ്ശിയും മരുമകളും തിടുക്കപ്പെട്ട് അടുക്കള ജോലി ചെയ്യുന്നതിനിടെയാണ് സംഭവം നടന്നത്. വീട്ടുകാരെ ഭയപ്പെടുത്താനായി ഗ്യാസ് സ്റ്റൗവിന്റെ പൈപ്പ് ഊരി കളിക്കുന്നതിനിടെയാണ് തീപടര്‍ന്നത്. നിരന്തരം കുട്ടിയെ താക്കീത് ചെയ്‌തെങ്കിലും വീട്ടുകാരെ കളിപ്പിക്കാനായി ഗ്യാസ് സിലിണ്ടറിനെ സ്റ്റൗവുമായി ബന്ധിപ്പിച്ചു കൊണ്ടുള്ള പൈപ്പ് തുടര്‍ച്ചയായി ഊരിമാറ്റിയതാണ് അപകടത്തിന് കാരണമെന്ന് പൊലീസ് പറയുന്നു. ഗുരുതരമായി പൊള്ളലേറ്റ കുട്ടിയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com