പ്ലസ് ടുവിന് പഠിക്കുന്ന ഭര്‍ത്താവ് സ്‌കൂളില്‍ പോയിക്കഴിഞ്ഞാല്‍ ഭര്‍തൃപിതാവ് ലൈംഗികമായി പീഡിപ്പിക്കുന്നു; പരാതിയുമായി 21 കാരി പൊലീസ് സ്റ്റേഷനില്‍

ഭര്‍തൃപിതാവിന്റെ കൈവശം വിവിധ ആയുധങ്ങളുണ്ടെന്നും പരാതിയില്‍ ആരോപിക്കുന്നു
പ്രതീകാത്മക ചിത്രം
പ്രതീകാത്മക ചിത്രം

ഭോപ്പാല്‍: ഭര്‍ത്താവ് സ്‌കൂളില്‍ പോകുന്ന സമയത്ത് ഭര്‍തൃപിതാവ് പീഡിപ്പിക്കുന്നുവെന്ന് യുവതിയുടെ പരാതി. ഭര്‍തൃപിതാവിനെതിരെ 21 കാരി പൊലീസില്‍ പരാതി നല്‍കി. മധ്യപ്രദേശിലെ ഗുണ ജില്ലയിലാണ് സംഭവം. 

12-ാം ക്ലാസ്സില്‍ പഠിക്കുന്ന ഭര്‍ത്താവ് സ്‌കൂളില്‍ പോകുന്ന സമയത്ത് ഭര്‍തൃപിതാവ് ബലാല്‍സംഗം ചെയ്യുന്നു എന്നാണ് യുവതി പരാതിയില്‍ പറയുന്നത്. രാജസ്ഥാന്‍കാരിയാണ് യുവതി. 22 കാരനായ ഭര്‍ത്താവ് ഗുണ സ്വദേശിയും. 

ഗുണ നഗരത്തിലാണ് യുവതിയുടെ ഭര്‍ത്താവ് പഠിക്കാന്‍ പോകുന്നത്. എല്ലാ ദിവസവും സ്‌കൂളില്‍ പോയി വരികയാണ് ഇയാള്‍ ചെയ്യുന്നത്. ഭര്‍ത്താവ് സ്‌കൂളിലേക്ക് പോയിക്കഴിഞ്ഞാല്‍ ഭര്‍തൃപിതാവ് ലൈംഗികമായി പീഡിപ്പിക്കുന്നുവെന്നാണ് യുവതി പരാതിയില്‍ പറയുന്നത്. 

വിവരം പുറത്തു പറഞ്ഞാല്‍ കൊല്ലുമെന്ന് ഭീഷണിപ്പെടുത്തിയതായും യുവതി പറയുന്നു. ഭര്‍തൃപിതാവിന്റെ കൈവശം വിവിധ ആയുധങ്ങളുണ്ടെന്നും പരാതിയില്‍ ആരോപിക്കുന്നു. കുടുംബത്തിലെ മറ്റുചില സ്ത്രീകളെയും പ്രതി പീഡിപ്പിച്ചതായും പരാതിയിലുണ്ട്. 

കുടുംബാംഗങ്ങള്‍ക്ക് നേരേ ആയുധം വീശി ഭീഷണിപ്പെടുത്തുന്നത് പതിവാണെന്നും യുവതി ആരോപിക്കുന്നു. ഭര്‍തൃപിതാവിന്റെ കൈവശം വിവിധ ആയുധങ്ങളുണ്ടെന്നും പരാതിയില്‍ ആരോപിക്കുന്നു. കുടുംബത്തിലെ മറ്റുചില സ്ത്രീകളെയും പ്രതി പീഡിപ്പിച്ചതായും പരാതിയിലുണ്ട്. 

കുടുംബാംഗങ്ങള്‍ക്ക് നേരേ ആയുധം വീശി ഭീഷണിപ്പെടുത്തുന്നത് പതിവാണെന്നും യുവതി ആരോപിക്കുന്നു. രാജസ്ഥാനിലെ ഒരു രാഷ്ട്രീയ നേതാവിന്റെ മകളാണ് പരാതിക്കാരി. പിതാവിന്റെ കൈവശം അനധികൃത ആയുധശേഖരമുണ്ടെന്നും ഭാര്യയെ പിന്തുണച്ചാല്‍ തന്നെ കൊല്ലുമെന്ന് പിതാവ് ഭീഷണിപ്പെടുത്തിയതായി 22കാരനും മൊഴി നല്‍കിയിട്ടുണ്ട്. 

അതേസമയം, പീഡനപരാതി വ്യാജമാണെന്നും, കുടുംബത്തിലെ സ്വത്ത് തര്‍ക്കമാണ് പരാതിക്ക് പിന്നിലെന്നും, ഭര്‍തൃപിതാവ് പറയുന്നു.യുവതിയുടെ പരാതിയില്‍ കേസെടുത്തെങ്കിലും പൊലീസ് ഇതുവരെ പ്രതിയെ അറസ്റ്റ് ചെയ്തിട്ടില്ല. ആരോപണങ്ങളെക്കുറിച്ച് അന്വേഷിക്കകുയാണെന്നാണ് പൊലീസ് വിശദീകരിക്കുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com