ലക്നൗ: സഹപാഠി ലൈംഗികമായി പീഡിപ്പിച്ച പത്താംക്ലാസുകാരി ജീവനൊടുക്കി. ഉത്തര്പ്രദേശിലെ ബുലന്ദ്ഷഹറിലാണ് സംഭവം. പെണ്കുട്ടിയുടെ അച്ഛന്റെ പരാതിയില് 15 പേര്ക്കെതിരെ കേസ് എടുത്തതായി പൊലീസ് അറിയിച്ചു. ഇതില് ഏഴ് പ്രതികളെ തിരിച്ചറിഞ്ഞിട്ടുണ്ട്.
ഒക്ടോബര് എട്ടിന് സഹപാഠി പെണ്കുട്ടിയെ ലൈംഗികമായി പീഡിപ്പിക്കുകയും അശ്ലീല പരാമര്ശം നടത്തിയിരുന്നതായും പൊലീസിന് നല്കിയ പരാതിയില് പറയുന്നു. സഹപാഠി ലൈംഗികമായി പീഡിപ്പിച്ചവിവരം പെണ്കുട്ടി പ്രിന്സിപ്പളിനെ അറിയിച്ചു. ഇതിന്റെ അടിസ്ഥാനത്തില് അധ്യാപകന് പ്രതിയെ ശകാരിക്കുകയും ചെയ്തിരുന്നു. അന്ന് വൈകീട്ട് സഹാപാഠിയും മറ്റ് സുഹൃത്തുക്കളും ചേര്ന്ന് പെണ്കുട്ടിയുടെ വീട്ടിലെത്തി പീഡിപ്പിക്കുകയായിരുന്നെന്ന് പരാതിയില് പറയുന്നു.
പിറ്റേദിവസവും സഹപാഠി പെണ്കുട്ടിയോട് മോശമായി പെരുമാറുകയും ഭീഷണിപ്പെടുത്തുകയും ചെയ്തു. ഇതില് മനംനൊന്താണ് പെണ്കുട്ടി ആത്മഹത്യ ചെയ്തതെന്ന് പൊലീസ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ