കാമുകിയുടെ വീടിന് അടുത്ത് 25കാരന്‍; യുവതിയുടെ വീട്ടുകാര്‍ പെട്രോള്‍ ഒഴിച്ച് തീകൊളുത്തി കൊന്നു 

മധ്യപ്രദേശില്‍ യുവാവിനെ പെണ്‍സുഹൃത്തിന്റെ ബന്ധുക്കള്‍ പെട്രോള്‍ ഒഴിച്ച് തീകൊളുത്തി കൊന്നു
പ്രതീകാത്മക ചിത്രം
പ്രതീകാത്മക ചിത്രം

ഭോപ്പാല്‍: മധ്യപ്രദേശില്‍ യുവാവിനെ പെണ്‍സുഹൃത്തിന്റെ ബന്ധുക്കള്‍ പെട്രോള്‍ ഒഴിച്ച് തീകൊളുത്തി കൊന്നു. 90 ശതമാനം പൊള്ളലേറ്റ യുവാവിനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

സാഗര്‍ ജില്ലയിലാണ് സംഭവം. നാട്ടുകാരാണ് യുവാവിന്റെ ശരീരത്തില്‍ തീ ആളിപ്പടരുന്നത് കണ്ടത്. സംഭവ ദിവസം കാമുകിയെ കാണാന്‍ പോയതാണ് 25കാരന്‍. പെണ്‍കുട്ടിയുടെ വീട്ടുകാര്‍ കയ്യോടെ പിടികൂടി യുവാവിനെ പെട്രോള്‍ ഒഴിച്ച് തീകൊളുത്തുകയായിരുന്നുവെന്ന് പൊലീസ് പറയുന്നു.

പെണ്‍കുട്ടിയുടെ അച്ഛന്‍ ഉള്‍പ്പെടെയുള്ളവര്‍ ചേര്‍ന്നാണ് തന്നെ തീകൊളുത്തിയതെന്ന് യുവാവിന്റെ മരണമൊഴിയില്‍ പറയുന്നു. പെണ്‍സുഹൃത്തിനും തീ പൊള്ളലേറ്റിട്ടുണ്ട്. 50 ശതമാനം പൊള്ളലേറ്റ യുവതി ചികിത്സയിലാണ്. പ്രതികളുടെ വീട് തകര്‍ക്കാനുള്ള പൊലീസിന്റെ ആവശ്യം മന്ത്രി ഭൂപീന്ദ്ര സിങ് അംഗീകരിച്ചു. സാഗര്‍ ജില്ല ഉള്‍പ്പെടുന്ന നിയോജകമണ്ഡലത്തിലെ എംഎല്‍എ കൂടിയാണ് ഭൂപീന്ദ്ര സിങ്. മധ്യപ്രദേശില്‍ കുറ്റകൃത്യങ്ങളില്‍ ഉള്‍പ്പെട്ട പ്രതികളുടെ വീട് തകര്‍ക്കാന്‍ നിയമമുണ്ട്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com