മുംബൈ: ഓടിത്തുടങ്ങിയ ട്രെയിനിലേക്ക് കയറാൻ ശ്രമിക്കുന്നതിനിടെ കാൽവഴുതി വീണ സ്ത്രീയെ സാഹസികമായി രക്ഷപ്പെടുത്തി.റെയിൽവേ സ്റ്റേഷനിലുണ്ടായിരുന്ന മറ്റു യാത്രക്കാരാണ് സ്ത്രീയുടെ രക്ഷക്കെത്തിയത്. മുംബൈയിലെ വാസൈ റോഡ് റെയിൽവേ സ്റ്റേഷനിലായിരുന്നു സംഭവം.
സ്റ്റേഷനിൽ നിന്ന് നീങ്ങിതുടങ്ങിയ ട്രെയിനിലേക്ക് കയറാൻ ശ്രമിക്കുകയായിരുന്നു സ്ത്രീ. ഒരു പുരുഷനും മറ്റൊരു സ്ത്രീയും ഇവർക്കൊപ്പമുണ്ടായിരുന്നു. ട്രെയിനിലേക്ക് കാൽ വച്ചതും വഴുതി വീഴുകയായിരുന്നു. ഒപ്പമുണ്ടായിരുന്നയാൾ കൈകിൽ ബലമായി പിടിച്ചതിനാലാണ് ഇവർ ട്രെയിനിന് അടിയിലേക്ക് വീഴാതിരുന്നത്. പ്ലാറ്റ്ഫോമിലുണ്ടായിരുന്ന മറ്റുയാത്രക്കാർ ഓടിയെത്തി സ്ത്രീയെ വലിച്ച് പുറത്തെടുത്തു. ഇതിനുശേഷമാണ് തീവണ്ടി നിന്നത്. സംഭവത്തിന്റെ സിസിടിവി ദൃശ്യം വാർത്താ ഏജൻസിയായ എഎൻഎ പുറത്തുവിട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ