ഭോപ്പാല്: ബലാത്സംഗം ചെറുത്ത ഇരുപതുകാരിയുടെ കണ്ണില് ആസിഡ് ഒഴിച്ച സംഭവത്തില് യുവാക്കള് അറസ്റ്റില്. മധ്യപ്രദേശിലെ പന്ന ജില്ലയിലെ ബരാഹോ ഗ്രാമത്തിലാണ് സംഭവം. ബുധനാഴ്ച രണ്ടുപേര് ചേര്ന്ന് യുവതിയെയും സഹോദരനെയും തട്ടിക്കൊണ്ടുപോകുകയായിരുന്നു.
യുവതിയെ ബലാത്സംഗം ചെയ്യുന്നത് ചെറുത്തതോടെ യുവാക്കള് കൈയില് കരുതിയ ആസിഡ് കണ്ണില് ഒഴിക്കുകയായിരുന്നു. യുവതിയുടെ സഹോദരനെ സംഘം ക്രൂരമായി മര്ദ്ദിച്ചതായും പൊലീസ് പറഞ്ഞു. സംഭവവുമായി ബന്ധപ്പെട്ട് സുമര് സിങ്, ഗോല്ഡി രാജ എന്നിവരാണ് അറസ്റ്റിലായതെന്ന് പൊലീസ് പറഞ്ഞു.
പ്രതികളിലൊരളുടെ ബന്ധു നാട്ടില്നിന്ന് പോകാന് കാരണം യുവതിയാണെന്ന് സംശയിച്ചാണ് ഇവര് തട്ടിക്കൊണ്ടുപോയത്. ആദ്യം യുവതിയെയും പിന്നീട് സഹോദരനെയും തട്ടിക്കൊണ്ടുപോകുകയായിരുന്നു. നാടുവിട്ട ബന്ധുവിനെ കുറിച്ച് വിവരം ലഭിക്കാതെ വന്നപ്പോഴാണ് യുവതിയെ ബലാത്സംഗം ചെയ്യാന് ശ്രമിച്ചത്. അത് ചെറുത്തപ്പോള് അവളുടെ കണ്ണില് ആസിഡ് ഒഴിക്കുകയുമായിരുന്നെന്ന് പൊലീസ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ