അജ്‌മേര്‍: സ്കൂളിലെ അമ്മയുടെ അവസാന ദിനത്തിൽ എന്നെന്നും ഓർത്തിരിക്കുന്ന ഒരു സർപ്രൈസ് ഒരുക്കി മകന്റെ സ്നേഹം. ജോലിയില്‍നിന്ന് വിരമിക്കുന്ന ദിവസം അമ്മയ്ക്കായി ഒരു ആകാശയാത്ര തന്നെയാണ് ഈ മകൻ സമ്മാനിച്ചത്. രാജസ്ഥാനിലെ അജ്‌മേറിലെ കേസര്‍പുര സര്‍ക്കാര്‍ സ്‌കൂളില്‍നിന്ന് വിരമിച്ച അധ്യാപിക സുശീലാ ചൗഹാന് മകന്‍ യോഗേഷാണ് സര്‍പ്രൈസൊരുക്കിയത്.
33 വര്‍ഷത്തെ സേവനത്തിനുശേഷം ശനിയാഴ്ചയാണ് സുശീല വിരമിച്ചത്. സ്കൂളിലെ യാത്രയയപ്പ് പരിപാടിയില്‍ പങ്കെടുക്കാനാണ് അമേരിക്കയിലുള്ള യോഗേഷ് നാട്ടിലെത്തിയത്. ജീവിതകാലം മുഴുവന്‍ ഓര്‍മിക്കാന്‍ അമ്മക്കൊരു സമ്മാനം നൽകണമെന്ന ചിന്തയാണ് ഹെലികോപ്റ്റര്‍ യാത്രയിൽ കലാശിച്ചത്. സ്കൂളിലെ ചടങ്ങുകൾക്ക് ശേഷം സുശീലയെ ഹെലികോപ്റ്ററില്‍ സ്വന്തം ഗ്രാമത്തിലെത്തിക്കുകയായിരുന്നു യോഗേഷ്.
രണ്ടുവര്‍ഷം മുമ്പ് യോഗേഷിന് ഒരു പെൺകുഞ്ഞ് പിറന്നപ്പോൾ കുഞ്ഞിനെ ഹെലികോപ്റ്ററില്‍ നാട്ടിലെത്തിക്കാമെന്ന് സുശീല ആഗ്രഹം പറഞ്ഞിരുന്നു. നടക്കാതിരുന്ന ആ ആഗ്രഹം മറ്റൊരുതരത്തിൽ സഫലമാക്കിയതിന്റെ സന്തോഷത്തിലാണ് ഈ മകൻ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
