മുംബൈ: ഇടിച്ചു വീഴ്ത്തി, 'മുകളിലുടെ കയറിയിറങ്ങിയ' ബസിനടിയില്നിന്ന് കൂളായി എഴുന്നേറ്റു വന്ന് മധ്യവയസ്കന്. അത്ഭുതപ്പെടുത്തുന്ന രക്ഷപെടലിന്റെ വിഡിയോ സോഷ്യല് മീഡിയയില് വൈറല് ആയി.
മുംബൈ പവ്വായിയില് ചൊവ്വാഴ്ച ഉച്ചയ്ക്കാണ് സംഭവം. ഇടുങ്ങിയ റോഡിലൂടെ വേഗമില്ലാതെ നീങ്ങുന്ന ബസ് സ്റ്റോപ്പില് നിര്ത്തിയിട്ടിരിക്കുകയായിരുന്നു. ഇതിനു മുന്നിലൂടെ ക്രോസ് ചെയ്യാന് ശ്രമിച്ചയാളെയാണ്, പെട്ടെന്നു നീങ്ങിയ ബസ് ഇടിച്ചു വീഴ്ത്തിയത്. വീണിടത്തുനിന്ന് എഴുന്നേല്ക്കാന് ശ്രമിച്ച ഇയാള് ബസിന് അടിയിലായി. അധികം വേഗമില്ലാതെ ബസ് മുന്നോട്ടുനീങ്ങുകയും ചെയ്തു.
അല്പ്പം മുന്നോട്ടുനീങ്ങിയാണ് ബസ് നിന്നത്. അപ്പോഴേക്കും ഇയാള് കാര്യമായ പരിക്കൊന്നുമില്ലാതെ എഴുന്നേറ്റു വരുന്നത് വിഡിയോയില് കാണാം.
പവ്വായി എവറസ്റ്റ് ഹൈറ്റ്സ് ബില്ഡിങ്ങിനു പുറത്തായാണ് സംഭവം. വളരെ ഇടുങ്ങിയ വഴിയുയാണെങ്കിലും തിരക്കു കൂടുതലാണ്. ഒട്ടേറെ വാഹനങ്ങള് ഇഴഞ്ഞുനീങ്ങുന്നതും വിഡിയോയിലുണ്ട്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ