മുംബൈ: പ്രമുഖ വ്യവസായി മുകേഷ് അംബാനിയുടെ ഇളയ മകന് ആനന്ദ് അംബാനി വിവാഹിതനാകുന്നു. മറ്റൊരു പ്രമുഖ വ്യവസായിയായ വീരന് മെര്ച്ചന്റിന്റെ മകള് രാധിക മെര്ച്ചന്റാണ് പ്രതിശ്രുത വധു. ഇരുവരും വര്ഷങ്ങളായി പരിചയക്കാരാണ്.
ചിത്രം: എഎന്ഐ
രാജസ്ഥാനിലെ നാഥദ്വാരയിലുള്ള ശ്രീനാഥ്ജി ക്ഷേത്രത്തില് വ്യാഴാഴ്ചയായിരുന്നു വിവാഹ നിശ്ചയം. കല്യാണ തീയതി പ്രഖ്യാപിച്ചിട്ടില്ല. വിവാഹ പ്രഖ്യാപനത്തിന് മാസങ്ങള്ക്ക് മുന്പ് ജൂണില് മുംബൈയിലെ ജിയോ വേള്ഡ് സെന്ററില് വച്ച് രാധികയുടെ അരങ്ങേറ്റം സംഘടിപ്പിച്ചിരുന്നു. മുകേഷ് അംബാനിയും ഭാര്യ നിത അംബാനിയുമാണ് ഇതിന് നേതൃത്വം കൊടുത്തത്. ക്ലാസിക്കല് ഡാന്സറായ രാധികയുടെ വേദിയിലെ ആദ്യ പരിപാടിയായിരുന്നു ഇത്.
എന്കോര് ഹെല്ത്ത് കെയര് സിഇഒയാണ് രാധികയുടെ അച്ഛന് വീരന് മെര്ച്ചന്റ്. രാധികയും ആനന്ദും തമ്മില് വര്ഷങ്ങളായി അറിയാം. അമേരിക്കയിലെ ബ്രൗണ് സര്വകലാശാലയില് നിന്നാണ് ആനന്ദ് ഉപരിപഠനം പൂര്ത്തിയാക്കിയത്. രാധിക ന്യൂയോര്ക്ക് സര്വകലാശാലയില് നിന്നാണ് ബിരുദം നേടിയത്. റിലയന്സ് ഇന്ഡസ്ട്രീസിന്റെ പുതിയ ഊര്ജ്ജ ബിസിനസിന്റെ നേതൃത്വം വഹിക്കുന്നതിന് മുന്നോടിയായുള്ള പരിശീലനത്തിലാണ് ആനന്ദ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ