മധുര: കാറോടിക്കുന്നതിനിടെ ഡ്രൈവർ ഹൃദയാഘാതംമൂലം മരിച്ചു. നിയന്ത്രണംവിട്ട കാർ എതിരെവന്ന സ്കൂട്ടറിലിടിച്ച് ഒരാൾ മരിക്കയും മറ്റൊരാൾക്ക് ഗുരുതര പരിക്കേൽക്കുകയും ചെയ്തു. മധുര സിക്കന്തർ സ്വദേശി സെന്തിൽകുമാറാണ് (45) കാറോടിക്കവേ ഹൃദയാഘാതം മൂലം മരിച്ചത്. സ്കൂട്ടറോടിച്ചിരുന്ന ആണയൂർ സ്വദേശി ശങ്കർ (47) മരിച്ചു. ഇയാളുടെ ഭാര്യ നാഗലക്ഷ്മിക്ക് ഗുരുതര പരിക്കേറ്റു.
ഗ്യാസ് ഏജൻസി നടത്തുന്ന സെന്തിൽകുമാർ വ്യാഴാഴ്ച രാത്രി എട്ടുമണിയോടെ ചാവടിയിൽനിന്നും മധുര ഫാത്തിമകോളജ് ഭാഗത്തേക്ക് പോകുന്നതിനിടെയാണ് നെഞ്ചുവേദനയുണ്ടായത്. കാർ നിയന്ത്രണമില്ലാതെ മധുര കൂടൽ നഗർ ഭാഗത്തുള്ള പാലത്തിന് മുകളിലൂടെ ഓടിക്കൊണ്ടിരുന്നു. ഈ സമയം എതിരെവന്ന ഒന്നിലധികം വാഹനങ്ങളിലിടിച്ചു. സിനിമാ തിയേറ്റർ തൊഴിലാളിയായ ശങ്കർ ഓടിച്ച സ്കൂട്ടറിലിടിച്ചശേഷം ഏറെദൂരം മുന്നോട്ട് കൊണ്ടുപോയി പാലത്തിന്റെ ഇറക്കത്തിലുള്ള തൂണിൽ ഇടിച്ചശേഷമാണ് നിന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ