ചെന്നൈ: സാമൂഹിക മാധ്യമത്തില്‍ റീല്‍സ് ഇടാനായി വീഡിയോ ചിത്രീകരിക്കുന്നതിനിടെ 22കാരന്‍ ട്രെയിന്‍ ഇടിച്ചു മരിച്ചു. തമിഴ്‌നാട്ടിലെ വെല്ലൂര്‍ ജില്ലയിലെ ഗൂഡിയാട്ടത്തിന് സമീപത്താണ് സംഭവം.
കേബിള്‍ ടിവി ഓപ്പറേറ്ററായ വസന്ത്കുമാറാണ് മരിച്ചത്. സെല്‍ഫി വീഡിയോ ചിത്രീകരിക്കുന്നതിനിടെയായിരുന്നു അപകടം. ഗൂഡിയാട്ടത്തെ മേലാറ്റൂര്‍ റെയില്‍വെ സ്റ്റേഷന് സമീപത്ത് വച്ച് സമൂഹമാധ്യമങ്ങളില്‍ പോസ്റ്റ് ചെയ്യാന്‍ റീല്‍സ് ചിത്രീകരിക്കാനായാണ് വസന്തകുമാറും സുഹൃത്തുക്കളും എത്തിയത്. വീഡിയോ ചിത്രീകരിക്കുന്നതിനിടെ ട്രെയിന്‍ ഇടിക്കുകയായിരുന്നു.
യുവാവ് സംഭവസ്ഥലത്തുവച്ചു തന്നെ മരിച്ചു. വിവരമറിഞ്ഞ് പൊലീസ് സ്ഥലത്തെത്തി. മൃതദേഹം പോസ്റ്റ്‌മോര്‍ട്ടത്തിനായി ഗൂഡിയാട്ടം സര്‍ക്കാര്‍ ആശുപത്രിയിലേക്ക് മാറ്റി.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
