പട്യാല: വിലക്കയറ്റത്തിന് എതിരെ ആനപ്പുറത്തേറി പ്രതിഷേധം നടത്തി കോണ്ഗ്രസ് നേതാവ് നവ്ജ്യോത് സിങ് സിദ്ദു. പഞ്ചാബിലെ പട്യാലയിലാണ് കോണ്ഗ്രസ് പ്രതിഷേധ പരിപാടി സംഘടിപ്പിച്ചത്.
പെട്രോള്,പാചക വാതക വില വര്ധനവിന് എതിരെ രാജ്യത്ത് വിവിധയിടങ്ങളില് കോണ്ഗ്രസ് പ്രതിഷേധ പരിപാടികള് സംഘടിപ്പിക്കുന്നുണ്ട്. ഇതിന്റെ ഭാഗമായാണ് പട്യാലയില് ആനപ്പുറത്തേറി പ്രതിഷേധം സംഘടിപ്പിച്ചത്.
പ്രതിഷേധ പ്രകടത്തിടയില്, നവ്ജ്യോത് സിങ് സിദ്ദുവിന് സുപ്രീംകോടി ഒരുവര്ഷത്തെ തടവ് ശിക്ഷ വിധിച്ചു. 1987ല് റോഡില് നടന്ന തര്ക്കത്തെ തുടര്ന്ന് ഗുര്നാം സിങ് എന്നയാള് കൊല്ലപ്പെട്ട കേസിലാണ് സുപ്രീംകോടതി വിധി പറഞ്ഞിരിക്കുന്നത്.
വിധി പുനപ്പരിശോധിക്കണമെന്ന് ആവശ്യപ്പെട്ട് കൊല്ലപ്പെട്ട ഗുല്നാമിന്റെ ബന്ധുക്കള് നല്കിയ ഹര്ജിയിലാണ് സുപ്രീംകോടതി വിധി.
ജസ്റ്റിസുമാര എ എം ഖാന്വീല്ക്കര്, സഞ്ജയ് കൗള് എന്നിവരടങ്ങിയ ബെഞ്ചാണ് ശിക്ഷ വിധിച്ചത്.
മൂന്നു വര്ഷം തടവ് ശിക്ഷ വിധിച്ച പഞ്ചാബ്-ഹരിയാന ഹൈക്കോടതി വിധി ഇളവു ചെയ്ത സുപ്രീംകോടതി, 2018ല് സിദ്ദുവിന്റെ ശിക്ഷ 1000 രൂപ പിഴ മാത്രമായി ചുരുക്കിയിരുന്നു. ഇതിനെതിരെ ഗുര്നാമിന്റെ കുടുംബം നല്കിയ പുനപ്പരിശോധന ഹര്ജിയിലാണ് ഇപ്പോഴത്തെ വിധി.
കേസ് മുപ്പത് വര്ഷത്തോളം പഴക്കമുള്ളതാണെന്നും സംഘര്ഷ സമയത്ത് ആയുധങ്ങളൊന്നും ഉപയോഗിച്ചിരുന്നില്ല എന്നും കാണിച്ചാണ് സുപ്രീംകോടതി ശിക്ഷ ഇളവ് ചെയ്തത്.
1987 ഡിസംബര് 27ന് പട്യാലയിലെ ട്രാഫിക് ജങ്ഷനില് വെച്ച് സിദ്ദുവും കൂട്ടരും ഗുര്നാമുമായി വാഹനം ഓടിച്ചത് സംബന്ധിച്ച തര്ക്കമുണ്ടായിരുന്നു. തുടര്ന്ന് നടന്ന അക്രമത്തിലാണ് ഗുര്നാം കൊല്ലപ്പെട്ടത്. കോടതി വിധി അംഗീകരിക്കുന്നതായി നവ്ജ്യോത് സിങ് സിദ്ദു ട്വിറ്ററില് കുറിച്ചു.
ഈ വാര്ത്ത കൂടി വായിക്കാം ഭീകരവാദ ഫണ്ടിങ്; യാസീന് മാലിക് കുറ്റക്കാരനെന്ന് എന്ഐഎ കോടതി, ശിക്ഷ 25ന്
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ