താനെ: ടെലിവിഷന്‍ ഉറക്കെവച്ചപ്പോള്‍ ഓഫ് ചെയ്തതിന് അമ്മായി അമ്മയുടെ മൂന്ന് വിരലുകള്‍ കടിച്ചെടുത്ത് 32കാരി. അറുപതുകാരിയായ വൃഷാലി കുല്‍ക്കര്‍ണിയുടെ വിരലുകളാണ് യുവതി കടിച്ചെടുത്തത്. വൃഷാലി കുല്‍ക്കര്‍ണി ഭജന്‍ പാടുന്നതിനിടെ ടെലിവിഷന്റെ ശബ്ദം കുറയ്ക്കാന്‍ മരുമകള്‍ വിജയ കുല്‍ക്കര്‍ണിയോട് ആവശ്യപ്പെട്ടു.
എന്നാല്‍ ഇതിന് യുവതി തയ്യാറായില്ല. തുടര്‍ന്ന് ഇരുവരും തമ്മില്‍ വഴക്കിട്ടതോടെ വൃഷാലി ടിവി ഓഫ് ചെയ്തു. ഇതേ തുടര്‍ന്ന് അമ്മായി അമ്മയുടെ മൂന്ന് വിരലുകള്‍ യുവതി കടിച്ചെടുക്കുകയായിരുന്നു. ഇത് തടയാനെത്തിയ ഭര്‍ത്താവിനെയും യുവതി മര്‍ദ്ദിച്ചു.
വയോധികയുടെ പരാതിയുടെ അടിസ്ഥാനത്തില്‍ ശിവാജി നഗര്‍ പൊലീസ് വിജയ കുല്‍ക്കര്‍ണിയ്‌ക്കെതിരെ കേസ് രജിസ്റ്റര്‍ ചെയ്തു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
