ലക്‌നൗ: ട്രക്ക് ഇടിച്ച് സ്‌കൂട്ടര്‍ യാത്രികരായ മുത്തച്ഛനെയും പേരക്കുട്ടിയും മരിച്ചു. 66 വയസായ വിരമിച്ച അധ്യാപകനും ആറ് വയസുള്ള കുട്ടിയുമാണ് മരിച്ചത്. ഇവര്‍ സഞ്ചരിച്ച സ്‌കൂട്ടിയില്‍ ട്രക്ക് ഇടിച്ചിട്ട ശേഷം രണ്ടുകിലോമീറ്ററിലധികം ദൂരം ഇവരെ നിരത്തിലൂടെ വലിച്ചിഴച്ചു. ഉത്തര്‍പ്രദേശിലെ മഹോബയിലാണ് സംഭവം.
ഇന്നലെ മാര്‍ക്കറ്റില്‍ സാധനങ്ങള്‍ പോകുന്നതിനിടെയാണ് അപകടം ഉണ്ടായതെന്ന് പൊലീസ് പറഞ്ഞു. അപകടശേഷം ട്രക്ക് ഇവരെ രണ്ട് കിലോമീറ്ററിലധികം ദൂരം വലിച്ചിഴച്ചു. നാട്ടുകാര്‍ വാഹനം തടഞ്ഞുനിര്‍ത്തുകയായിരുന്നെന്നും പൊലീസ് പറഞ്ഞു. പ്രകോപിതരായ നാട്ടുകാര്‍ ട്രക്ക് ഡ്രൈവറെ മര്‍ദിച്ചു.
പ്രതിയായ ട്രക്ക് ഡ്രൈവറെ അറസ്റ്റ് ചെയ്തതായും മൃതദേഹങ്ങള്‍ പോസ്റ്റുമോര്‍ട്ടത്തിന് അയച്ചതായും പൊലീസ് പറഞ്ഞു. ഇതിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
