ബംഗളൂരു: വിവാഹിത നെറ്റിയില്‍ സിന്ദൂരം അണിയാത്തതിന് ശകാരവുമായി കര്‍ണാടക ബിജെപി എംപി എസ് മുനിസ്വാമി. മാര്‍ച്ച് 8 വനിതാ ദിനത്തോടനുബന്ധിച്ച് നടന്ന പ്രദര്‍ശന - വില്‍പന മേള ഉദ്ഘാടനം ചെയ്യാന്‍ എത്തിയപ്പോഴായിരുന്നു സംഭവം. കര്‍ണാടകയിലെ കോലാര്‍ ജില്ലയില്‍ നിന്നുള്ള ബിജെപി എംപിയാണ് എസ് മുനിസ്വാമി.
മേള ഉദ്ഘാടനം ചെയ്തശേഷം വസ്ത്രങ്ങള്‍ വില്‍ക്കുന്ന സ്റ്റാളുകള്‍ സന്ദര്‍ശിക്കുന്നതിനിടെ, ഒരു സ്റ്റാളിന് മുന്നില്‍ നിന്ന എംപി സത്രീയോട് ഭര്‍ത്താവ് ജീവിച്ചിരിപ്പുണ്ടോയെന്ന് ചോദിച്ചു. 'എന്താണ് നിങ്ങളുടെ പേര്?. എന്താണ് നിങ്ങളുടെ നെറ്റിയില്‍ സിന്ദൂരമില്ലാത്തത്. നിങ്ങള്‍ക്ക് സാമാന്യബുദ്ധി ഇല്ലേ?'- മുനിസ്വാമി ചോദിച്ചു. ഇതിന്റെ വീഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിക്കുകയും ചെയ്തു.
എംപിക്കെതിരെ കോണ്‍ഗ്രസ് രംഗത്തുവന്നു. ബിജെപിയുടെ ഭരണത്തില്‍ ഇന്ത്യയെ ഹിന്ദുത്വ ഇറാന്‍ ആക്കുമെന്ന് കോണ്‍ഗ്രസ് നേതാവ് കാര്‍ത്തി ചിദംബരം പറഞ്ഞു. ഇത്തരം സംഭവങ്ങള്‍ ബിജെപിയുടെ സംസ്‌കാരത്തെ പ്രതിഫലിപ്പിക്കുന്നതാണെന്ന് കോണ്‍ഗ്രസ് അപലപിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
